അനുമോദന സമ്മേളനം

കോവളം: വാഴമുട്ടം ഗവ. ഹൈസ്കൂൾ പൂർവവിദ്യാർഥി വെൽഫെയർ അസോസിയേഷൻ സംഘടിപ്പിക്കുന്ന അനുമോദനസമ്മേളനം ശനിയാഴ്ച രാവിലെ 10ന് നടക്കും. മേയർ വി.കെ. പ്രശാന്ത് ഉദ്ഘാടനം ചെയ്യും. അസോസിയേഷൻ ചെയർമാൻ പനത്തുറ പി. ബൈജു അധ്യക്ഷത വഹിക്കും. എസ്.എസ്.എൽ.സി പരീക്ഷയിൽ മികച്ചവിജയം നേടിയ വിദ്യാർഥികളെ അനുമോദിക്കും. വാർഡ് കൗൺസിലർ സി. സത്യൻ, പ്രഥമാധ്യാപിക വി.എസ്. അനിത, പി.ടി.എ. പ്രസിഡൻറ് എസ്.കെ. പ്രതാപചന്ദ്രൻ, കണ്ണൻകോട് സുരേഷ്, ഡി. ബിജോയ്, കെ.വി. ഷാജി, ഡി. ജയകുമാർ എന്നിവർ സംസാരിക്കും.