റമദാൻ: ഏത്തൻ വില കയറുന്നു

കിളികൊല്ലൂർ: റമദാൻ നാളുകൾ തുടങ്ങിയതോടെ പഴവർഗങ്ങൾക്ക് വില കയറുന്നു. വെള്ളിയാഴ്ച കിലോക്ക് 55-60 രൂപ ആയിരുന്ന എത്തന് ശനിയാഴ്ച മുതൽ അഞ്ച് രൂപ കൂടി 65 രൂപയായി. വില ഇനിയും കൂടുമെന്നാണ് വ്യാപാരികൾ പറയുന്നത്. ഞാലിപ്പൂവൻ -40-45, പാളയം കോടൻ 35, കപ്പപ്പഴം 60--65, റോബസ്റ്റ 23-25 എന്നിങ്ങനെയാണ് ഞായറാഴ്‌ചയിലെ പൊതു വിപണി വില. മേട്ടു പാളയം, വള്ളിയൂര്‍ എന്നിവിടങ്ങളില്‍ നിന്നാണ് പൊതു വിപണിയിൽ കുലകളെത്തുന്നത്. പഴവര്‍ഗങ്ങള്‍ (ഹോര്‍ട്ടികോര്‍പ്പിലെ വിലനിലവാരം), ഏത്തന്‍ (നാടന്‍)-62.00, പൂവന്‍ പഴം -40.00, രസകദളി -42.00, പാളയം കോടന്‍ -30.00, കപ്പപഴം- 55.00, റോബസ്റ്റ -25.00.