Begin typing your search above and press return to search.
exit_to_app
exit_to_app
Posted On
date_range 15 May 2018 6:17 AM GMT Updated On
date_range 15 May 2018 6:17 AM GMTആളില്ലാത്ത വീട്ടിൽ മോഷണം: 18 പവൻ സ്വർണവും 15000 രൂപയും കവർന്നു
text_fieldsbookmark_border
നെടുമങ്ങാട്: ആളില്ലാത്ത വീട്ടിൽനിന്ന് 18 പവൻ സ്വർണവും 15000 രൂപയും കവർന്നു. അരുവിക്കര അഴിക്കോട് പ്ലാേങ്കാണം ദാറുൽ ബർക്കത്തിൽ മാധ്യമം അഴിക്കോട് ഏജൻറ് അബ്ദുല്ലയുടെ വീട്ടിലാണ് കഴിഞ്ഞദിവസം രാത്രി കവർച്ച നടന്നത്. അബ്ദുല്ലയും കുടുംബവും ശനിയാഴ്ച പെരുമാതുറയിലെ ബന്ധു വീട്ടിൽപോയ ശേഷം ഞായറാഴ്ച തിരികെ എത്തിയപ്പോഴാണ് മോഷണവിവരം അറിയുന്നത്. ജനൽ ചില്ലുകൾ തകർത്ത് കമ്പികൾ വളച്ചാണ് മോഷ്ടാക്കൾ അകത്തുകടന്നത്. വീട്ടിലെ മുഴുവൻ അലമാരകളും കുത്തിത്തുറന്ന നിലയിലായിരുന്നു. അരുവിക്കര പൊലീസും വിരലടയാള വിദഗ്ധരും സ്ഥലത്തെത്തി പരിശോധന നടത്തി. കുറച്ചുനാളുകളായി നെടുമങ്ങാട്ടും പരിസരപ്രദേശങ്ങളിലും മോഷണം വ്യാപകമാവുകയാണ്. ഒരാഴ്ചക്കിടെ നെടുമങ്ങാട് ടൗണിൽ പലയിടത്തും മോഷണം നടന്നിരുന്നു. ടൗണിലെ ബാറിൽനിന്ന് 80000 രൂപയും വാളിക്കോട് പച്ചക്കറി കടയിൽനിന്ന് രണ്ടരലക്ഷവും മോഷണം പോയിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story