Begin typing your search above and press return to search.
exit_to_app
exit_to_app
Posted On
date_range 11 May 2018 5:38 AM GMT Updated On
date_range 11 May 2018 5:38 AM GMTകേരള സർവകലാശാല സിൻഡിക്കേറ്റ് ഹാളിൽ ഇനിമുതൽ ഗാന്ധിജിയും
text_fieldsbookmark_border
തിരുവനന്തപുരം: കേരള സർവകലാശാല സിൻഡിക്കേറ്റ് ഹാളിൽ രാഷ്ട്രപിതാവ് മഹാത്മഗാന്ധിയുടെ ചിത്രം സ്ഥാപിക്കാൻ നടപടിയായി. സ്വാതന്ത്ര്യം ലഭിച്ച് 71 വർഷം പിന്നിട്ടിട്ടും രാഷ്ട്രപിതാവിെൻറ ചിത്രം സിൻഡിക്കേറ്റ് ഹാളിൽ സ്ഥാപിച്ചിരുന്നില്ല. സിൻഡിക്കേറ്റ് അംഗവും കെ.പി.സി.സി ട്രഷററുമായ ജോൺസൺ എബ്രഹാം വ്യാഴാഴ്ച കൂടിയ സിൻഡിക്കേറ്റ് യോഗത്തിൽ ഗാന്ധിജിയുടെ ഛായആചിത്രം വൈസ് ചാൻസലർ ഡോ. ഗോപിനാഥ് രവീന്ദ്രന് കൈമാറി. 2017 ജൂണിൽ ചേർന്ന യോഗത്തിൽ മഹാത്മഗാന്ധിയുടെ ചിത്രം സ്ഥാപിക്കാൻ തീരുമാനിച്ചിരുന്നു. എന്നാൽ, ചുവപ്പ് നാടയിൽ കുരുങ്ങി ചിത്രം സ്ഥാപിക്കാൻ കഴിഞ്ഞില്ല. ഗാന്ധിജിയുടെ ഛായാചിത്രം വരയ്ക്കാൻ ഒന്നരലക്ഷം രൂപക്ക് ക്വട്ടേഷൻ ക്ഷണിച്ച് കരാറായതാണ്. എന്നാൽ, ഇതുമായി ബന്ധപ്പെട്ട രേഖകൾ കാണാനില്ലെന്ന് കഴിഞ്ഞദിവസം കൂടിയ യോഗത്തെ സർവകലാശാല രജിസ്ട്രാർ അറിയിച്ചു. ഈ സാഹചര്യത്തിലാണ് ജോൺസൺ എബ്രഹാം ഗാന്ധി സ്മാരകനിധിയിൽനിന്ന് വാങ്ങിയ ചിത്രം വൈസ് ചാൻസലറെ ഏൽപിച്ചത്. 1937 മുതൽ സിൻഡിക്കേറ്റ് ഹാളിൽ ശ്രീചിത്തിര തിരുനാൾ മഹാരാജാവിെൻറ ചിത്രം മാത്രമാണ് ഇതിന് മുമ്പ് ഉണ്ടായിരുന്നത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story