അഡോപ്റ്റ് എ സ്‌കൂൾ: സഹകരിച്ചത്​ 13 സ്​കൂളുകളുമായി

തിരുവനന്തപുരം: യു.എസ്.ടി ഗ്ലോബലി​െൻറ അഡോപ്റ്റ് എ സ്‌കൂൾ പദ്ധതിയിൽ തലസ്ഥാനത്ത് കഴിഞ്ഞവർഷം 13 സർക്കാർ സ്കൂളുകളുമായി പങ്കാളിത്തത്തിലേർപ്പെട്ടതായി അധികൃതർ വാർത്താകുറിപ്പിൽ അറിയിച്ചു. വിദ്യാഭ്യാസ, അവബോധ പരിപാടികളും അടിസ്ഥാനസൗകര്യ വികസന പദ്ധതികളുമാണ് സ്കൂളുകൾക്കായി പ്രധാനമായും നടപ്പാക്കിയത്. തങ്ങളുടെ ജീവനക്കാർ 4500ൽ അധികം മണിക്കൂറുകൾ ഈ സേവനപ്രവർത്തനത്തിനായി ചെലവഴിച്ചു. ചില സ്കൂളുകൾക്ക് െഎ.ടി, ഇംഗ്ലീഷ് ആശയസംവേദനം എന്നീ വിഷയങ്ങളിൽ പരിശീലന പരിപാടികളും തുടർച്ചയായി ക്ലാസുകളും നൽകിയപ്പോൾ മറ്റ് ചില സ്കൂളുകൾക്ക് കമ്പ്യൂട്ടർ ലാബ്, ഭക്ഷണഹാൾ, അടുക്കള സംവിധാനങ്ങൾ എന്നിങ്ങനെയുള്ള അടിസ്ഥാനസൗകര്യങ്ങളാണ് നൽകിയതെന്ന് യു.എസ്.ടി ഗ്ലോബൽ തിരുവനന്തപുരം കേന്ദ്രം മേധാവി ശിൽപ മേനോൻ അഭിപ്രായപ്പെട്ടു.