ജീവരാഗം പതിനാറാം വാർഷികവും ഷെറിൻ ജീവരാഗം പുരസ്​കാരസമർപ്പണവും

തിരുവനന്തപുരം: ഇന്തോ-ഗൾഫ് മാസികയായ ജീവരാഗത്തി​െൻറ 16ാം വാർഷികാഘോഷവും ഷെറിൻ ജീവരാഗം പുരസ്കാര സമർപ്പണവും തിരുവനന്തപുരം പ്രസ്ക്ലബിൽ ബുധനാഴ്ച വൈകീട്ട് 3.30ന് നടക്കും. സമ്മേളനഉദ്ഘാടനവും പുരസ്കാരസമർപ്പണവും മന്ത്രി കടകംപള്ളി സുരേന്ദ്രൻ നിർവഹിക്കും. സി. ദിവാകരൻ എം.എൽ.എ അധ്യക്ഷത വഹിക്കും. യോഗത്തിൽ 'ശരണത്രയം' എന്ന നോവലി​െൻറ കർത്താവ് ചന്ദ്രശേഖരൻ തമ്പാനൂരിന് മന്ത്രി പുരസ്കാരം നൽകും. ജീവരാഗം പതിനാറാം വാർഷികപ്പതിപ്പി​െൻറ പ്രകാശനം ജില്ലപഞ്ചായത്ത് ആരോഗ്യവിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ വി. രഞ്ചിത്തിന് നൽകി കെ.പി.സി.സി പ്രസ് സെക്രട്ടറി പി.ടി. ചാക്കോ നിർവഹിക്കും. ഡോ. ആർ. ഗോപാലകൃഷ്ണൻനായർ, ഡോ. എം.എ. കരിം, പ്രഫ. ജി.എൻ. പണിക്കർ, എം.ആർ. മനോഹരവർമ, പ്രഫ. വിശ്വമംഗലം സുന്ദരേശൻ, വി.ആർ. അജിത്കുമാർ, ബി.എസ്. ജോസ്, ഇടവ ഷുക്കൂർ, ടി. ജയൻ, ജി.ബി. ശിവരഞ്ജിനി എന്നിവർ സംസാരിക്കും.