പേരയം - ചെല്ലഞ്ചി പാലത്തി​െൻറ പണി പുനരാരംഭിക്കണമെന്ന്

നെടുമങ്ങാട്: പേരയം ചെല്ലഞ്ചി പാലത്തി​െൻറ പണി പുനരാരംഭിക്കണമെന്നാവശ്യപ്പെട്ട് ഒമ്പതിന് രാവിലെ ഒമ്പതു മുതൽ നെടുമങ്ങാട് താലൂക്ക് ഓഫിസിന് മുന്നിൽ 24 മണിക്കൂർ ഉപവാസ സമരത്തിന് നേതൃത്വം നൽകുമെന്ന് ജില്ലാ പഞ്ചായത്ത് അംഗം ആനാട് ജയൻ അറിയിച്ചു. എട്ട് വർഷം മുമ്പ് പണി ആരംഭിച്ച പേരയം-ചെല്ലഞ്ചി പാലത്തി​െൻറ നിർമാണ പ്രവർത്തനം പല ഘട്ടങ്ങളിൽ നിലക്കുകയുണ്ടായി. നൽകാനുള്ള ആറുകോടി നൽകിയാൽ മാത്രമേ പണി ആരംഭിക്കുകയുള്ളൂവെന്ന് പറഞ്ഞ് കരാറുകാരൻ പിന്മാറിയിട്ട് ആറു മാസം കഴിഞ്ഞു. എന്നാൽ, സ്ഥലം എം.എൽ.എ ഈ വാർത്ത തെറ്റാണെന്നും പണി നടക്കുകയാണെന്നും അവകാശപ്പെട്ട് പ്രസ്താവനയുമായി രംഗത്തെത്തി ജനങ്ങളെ പറ്റിക്കുകയാണന്ന് ആനാട് ജയൻ പറഞ്ഞു. പനവൂർ, പുല്ലമ്പാറ, നന്ദിയോട്, കല്ലറ പഞ്ചായത്തുകളെ ബന്ധിപ്പിക്കുന്ന സുപ്രധാനമായ പേരയം- ചെല്ലഞ്ചി പാലത്തിനോടു കാണിക്കുന്ന അവഗണന അവസാനിപ്പിക്കണമെന്നും പണി പുനരാരംഭിക്കുന്നതിൽ അധികാരികൾ കാട്ടുന്ന അനാസ്ഥക്കെതിരെയുമാണ് ഉപവാസ സമരം നടത്തുന്നതെന്ന് അദ്ദേഹം പറഞ്ഞു.