കരുവിലാഞ്ചി വാർഡ് ഉപതെരഞ്ഞെടുപ്പ് 31ന്

വിളപ്പിൽശാല: വിളപ്പിൽ ഗ്രാമപഞ്ചായത്തിലെ കരുവിലാഞ്ചി വാർഡ് ഉപതെരഞ്ഞെടുപ്പ് മേയ് 31ന്. ജൂൺ ഒന്നിനാണ് ഫലപ്രഖ്യാപനം. തിങ്കളാഴ്ച മുതൽ 15 വരെ സ്ഥാനാർഥികൾക്ക് നാമനിർദേശ പത്രികകൾ സമർപ്പിക്കാം. ഇക്കഴിഞ്ഞ ജനുവരി 24ന് കരുവിലാഞ്ചി വാർഡ് അംഗമായിരുന്ന കോൺഗ്രസ് പ്രതിനിധി ജയകുമാർ മരണപ്പെട്ടിരുന്നു. ഈ ഒഴിവിലേക്കാണ് ഉപതെരഞ്ഞെടുപ്പ്. തെരഞ്ഞെടുപ്പ് പ്രഖ്യാപനത്തിനൊപ്പം വാർഡിലെ കരട് വോട്ടർ പട്ടികയും പ്രസിദ്ധീകരിച്ചിട്ടുണ്ട്. പുതിയതായി 350 പേർ കൂട്ടിച്ചേർക്കപ്പെട്ടിട്ടുണ്ട്. ആകെ 2250 വോട്ടർമാരുള്ള വാർഡിൽ സ്ത്രീകൾക്കാണ് മുൻതൂക്കം.