Begin typing your search above and press return to search.
exit_to_app
exit_to_app
Posted On
date_range 4 May 2018 5:15 AM GMT Updated On
date_range 4 May 2018 5:15 AM GMTഅശ്വതിജ്വാലയുടെ പരാതി: വനിതാ കമീഷൻ അന്വേഷണം തുടങ്ങി
text_fieldsbookmark_border
തിരുവനന്തപുരം: സാമൂഹിക മാധ്യമങ്ങളിലൂടെ അപമാനിക്കപ്പെടുന്നതിനെതിരെ അശ്വതിജ്വാല വനിതാ കമീഷനിൽ നൽകിയ പരാതിയിൽ നേരിട്ടുള്ള അന്വേഷണം ആരംഭിച്ചതായി വനിതാ കമീഷൺ ചെയർപേഴ്സൺ എം.സി. ജോസെഫെൻ അറിയിച്ചു. കമീഷൻ ഡയറക്ടർ കഴിഞ്ഞദിവസം നേരിട്ട് അശ്വതിയുടെ മൊഴിയെടുത്തിട്ടുണ്ട്. അപമാനിക്കപ്പെട്ടതായി സംഭവം നേരിട്ടന്വേഷിച്ച കമീഷൻ ഡയറക്ടർക്ക് ബോധ്യപ്പെട്ടിട്ടുമുണ്ട്. സാമൂഹികമാധ്യമങ്ങളിലൂടെ ഒരുസ്ത്രീയും ഈവിധം വാക്കുകൾ കൊണ്ട് അപമാനിക്കപ്പെടാൻ പാടില്ല. സാമൂഹികമാധ്യമങ്ങളിൽ വന്ന പരാമർശങ്ങളുടെ സ്ക്രീൻഷോട്ടുകൾ ഹാജരാക്കാൻ ആവശ്യപ്പെട്ടിട്ടുണ്ട്. മോശം പരാമർശങ്ങൾ നടത്തിയ വ്യകതികളുടെ പേര് വിവരങ്ങൾ ഉൾപ്പെടെ വ്യക്തമായ തെളിവുകൾ ശേഖരിച്ചശേഷം തുടർനടപടി സ്വീകരിക്കും. സാധാരണയായി വനിതാ കമീഷന് ലഭിക്കുന്ന പരാതികളിൽ അതാത് ജില്ലാ പൊലീസ് മേധാവികളോട് അന്വേഷണ റിപ്പോർട്ട് തേടുകയാണ് പതിവ്. എന്നാൽ പരാതിയുടെ ഗൗരവം കണക്കിലെടുത്താണ് നേരിട്ടന്വേഷിക്കാൻ ഡയറക്ടറെ ചുമതലപ്പെടുത്തിയതെന്നും ചെയർപേഴ്സൻ പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story