Begin typing your search above and press return to search.
exit_to_app
exit_to_app
Posted On
date_range 1 May 2018 5:20 AM GMT Updated On
date_range 1 May 2018 5:20 AM GMTറേഷൻകടകളിലെ സെയിൽസ്മാന് മാസവേതനം അനുവദിക്കണമെന്ന്
text_fieldsbookmark_border
തിരുവനന്തപുരം: റേഷൻകടകളിലെ സെയിൽസ്മാനും മാസ വേതനം അനുവദിക്കണമെന്ന് റേഷൻ ഡീലേഴ്സ് ലൈസൻസി ആൻഡ് സെയിൽസ്മാൻ സ്വതന്ത്ര സംഘടന പ്രതിനിധികൾ വാർത്തസമ്മേളനത്തിൽ അറിയിച്ചു. സംസ്ഥാനത്ത് ഏകദേശം പതിനേഴായിരത്തോളം സെയിൽസ്മാൻമാർ ജോലിചെയ്യുന്നുണ്ട്. റേഷൻ ഡിപ്പോവഴി ഭക്ഷ്യസാധനങ്ങൾ ജനങ്ങളിൽ എത്തിക്കുമ്പോൾ സർക്കാർ പ്രഖ്യാപിച്ച കമീഷൻ തുകയായ 16,000 രൂപ ലൈസൻസികൾക്ക് മാത്രമാണ് ലഭിക്കുന്നത്. സെയിൽസ്മാെൻറ ശമ്പളം, കടവാടക, വൈദ്യുതി ചാർജ് എന്നിവയെക്കുറിച്ച് സർക്കാർ ഒരു തീരുമാനവും എടുത്തിട്ടില്ല. റേഷൻ ഡിപ്പോകളിലെ തൊഴിലാളികളായ സെയിൽസ്മാന് സർക്കാർ മാസവേതനം പ്രഖ്യാപിക്കണമെന്നും കടവാടകയും കറൻറ് ചാർജും സർക്കാർ നൽകണമെന്നും ഭാരവാഹികൾ ആവശ്യപ്പെട്ടു. റേഷൻ വ്യാപാരികൾക്ക് സർക്കാർ പ്രഖ്യാപിച്ച വേതന പാക്കേജ് പ്രഖ്യാപനത്തിൽ മാത്രം ഒതുങ്ങുകയാണെന്നും ഭാരവാഹികൾ ആരോപിച്ചു. വാർത്താസമ്മേളനത്തിൽ ഭാരവാഹികളായ എ. ഷാജഹാൻ, ജി. ഗോപകുമാർ, ഡി. സുശീലൻ, സി. രവീന്ദ്രൻ, എം. റഷീദ് എന്നിവർ പങ്കെടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story