'അഗസ്ത്യ​െൻറ പൂമ്പാറ്റകൾ' യുവജന സഹവാസ ക്യാമ്പ് നാളെ തുടങ്ങും

തിരുവനന്തപുരം: കുറ്റിച്ചൽ പഞ്ചായത്തിലെ 27 ആദിവാസി ഊരുകളിൽ ജില്ലാ ശിശുസംരക്ഷണ യൂനിറ്റ് നടപ്പാക്കുന്ന 'അഗസ്ത്യ​െൻറ പൂമ്പാറ്റകൾ' പദ്ധതിയുടെ ഭാഗമായുള്ള യുവജന സഹവാസ ക്യാമ്പ് ബുധനാഴ്ച പോടിയം ഊരിൽ ആരംഭിക്കും. കെ.എസ്. ശബരീനാഥൻ എം.എൽ.എ ഉദ്ഘാടനം ചെയ്യും. കുറ്റിച്ചൽ പഞ്ചായത്ത് പ്രസിഡൻറ് ജി. മണികണ്ഠൻ അധ്യക്ഷത വഹിക്കും. വനിതാ ശിശുവികസന വകുപ്പ് ഡയറക്ടർ ഷീബ ജോർജ് മുഖ്യാതിഥിയാകും.