സ്​പെഷൽ റിക്രൂട്ട്മെൻറ് നടത്തണം

കൊല്ലം: പട്ടികവർഗത്തിന് മതിയായ ഉദ്യോഗപ്രാതിനിധ്യത്തിനായി സ്പെഷൽ റിക്രൂട്ട്മ​െൻറ് നടത്തുമെന്ന മുഖ്യമന്ത്രിയുടെ പ്രഖ്യാപനം സ്വാഗതാർഹമാണെന്ന് നാഷനൽ മുസ്ലിം വനിത കൗൺസിൽ കൊല്ലം മേഖല പ്രതിനിധി സമ്മേളനം അഭിപ്രായപ്പെട്ടു. ഉദ്യോഗപ്രാതിനിധ്യക്കുറവ് പരിഹരിക്കുന്നതിന് മുസ്ലിംകൾക്കും സ്പെഷൽ റിക്രൂട്ട്മ​െൻറ് നടത്താൻ സർക്കാർ തയാറാകണം. നാഷനൽ മുസ്ലിം കൗൺസിൽ സംസ്ഥാന പ്രസിഡൻറ് എ. റഹീംകുട്ടി ഉദ്ഘാടനം ചെയ്തു. മേഖല പ്രസിഡൻറ് എ. സഫിയാ ബീവി അധ്യക്ഷത വഹിച്ചു. ഡോ. എം.എ. സലാം, ഹംസത്ത് ബീവി, സുനിത നിസാർ, എസ്. ഹക്കീമ ബീവി, എ. ഷാഹിദ, എ.കെ. സുഭിന, എ.കെ. സബിയത്ത്, കെ. അനില, ബി. സുനിത, എ. നജുമ, എ. സീനത്ത്, എം. ജമീല, എ. മാജിദ എന്നിവർ സംസാരിച്ചു.