അഷ്​ടമുടി കായലോ​ര​​ത്തെ നടപ്പാതയിലും മാലിന്യംതള്ളൽ

കൊല്ലം: അഷ്ടമുടി കായൽതീരത്തെ നടപ്പാതയിലും മാലിന്യം തള്ളുന്നത് പതിവായി. കൊല്ലം കെ.എസ്.ആർ.ടി.സി ബസ്സ്റ്റേഷന് സമീപത്തെ ബോട്ട് ജെട്ടിയോട് ചേർന്നുള്ള നടപ്പാതയിലാണ് പ്ലാസ്റ്റിക് കവറുകളും മറ്റും വൻതോതിൽ നിക്ഷേപിക്കുന്നത്. കടകളിൽ നിന്നുള്ള അവശിഷ്ടങ്ങളും മറ്റുമാണ് ഏറെയും. ഇത് കാൽനടയാത്രക്കാർക്ക് ബുദ്ധിമുട്ടായിരിക്കുകയാണ്. ഈ ഭാഗത്ത് കായലിലും വൻതോതിൽ മാലിന്യം നിക്ഷേപിച്ചിട്ടുണ്ട്. വിനോദസഞ്ചാരികളും മറ്റ് യാത്രക്കാരും എത്തുന്ന ഇവിടെ മാലിന്യത്തിൽ നിന്നുള്ള ദുർഗന്ധവും രൂക്ഷമാണ്.