സർക്കാർ മദ്യനയം കേരളത്തിലെ കുടുംബസമാധാനം തകർക്കും

കൊല്ലം: സംസ്ഥാനത്തെവിടെയും മദ്യഷാപ്പുകൾ തുറക്കാനുള്ള എൽ.ഡി.എഫ് സർക്കാറി​െൻറ തീരുമാനം കേരളത്തിലെ കുടുംബസമാധനം തകർക്കുമെന്നും മദ്യവർജനം നടപ്പാക്കുമെന്ന തെരഞ്ഞെടുപ്പ് വാഗ്ദാനത്തി​െൻറ ലംഘനമാണെന്നും ഫോർവേഡ് ബ്ലോക്ക് ദേശീയ സെക്രട്ടറി ജി. ദേവരാജൻ. മദ്യലഭ്യത കൂടിയാൽ ഉപഭോഗവും വർധിക്കുമെന്നുള്ളത് ഇതുമായി ബന്ധപ്പെട്ട് നടത്തിയ പഠനങ്ങളിൽനിന്നും മനസ്സിലായിട്ടുണ്ട്. മദ്യംലഭിക്കുന്നത് നിയന്ത്രിക്കുന്നതിനുപകരം മദ്യവ്യാപനം സാധ്യമാക്കുന്ന നയം അപകടകരമാണ്. മദ്യക്കച്ചവടക്കാരെ സഹായിക്കുന്ന ഈ നിലപാടിനെതിരെ ജനാധിപത്യ പ്രസ്ഥാനങ്ങളും യുവജന സംഘടനകളും രംഗത്തുവരണമെന്നും ദേവരാജൻ ആവശ്യപ്പെട്ടു.