ഹിന്ദുസ്ഥാൻ ലിമിറ്റഡിെൻറ കുടിശ്ശിക അടയ്​ക്കുന്നതിന് സമയം ദീർഘിപ്പിച്ചു

തിരുവനന്തപുരം: പൊതുമേഖല സ്ഥാപനമായ ഹിന്ദുസ്ഥാൻ ന്യൂസ് പ്രിൻറ് ലിമിറ്റഡിന് അസംസ്കൃത വസ്തുക്കളുടെ കുടിശ്ശിക തുക അടയ്ക്കുന്നതിന് സമയം ദീർഘിപ്പിച്ച് വനം വന്യജീവി വകുപ്പ് ഡെപ്യൂട്ടി സെക്രട്ടറി ജി. ഗിരിജകുമാരി ഉത്തരവിട്ടു. ഉൽപാദന ചെലവിനേക്കാൾ താഴ്ന്നവിലയ്ക്കാണ് ഹിന്ദുസ്ഥാന് അസംസ്കൃത വസ്തുക്കൾ നൽകുന്നതെന്നും അതിനാൽ തുക അടയ്ക്കുന്നതിനുള്ള സമയം നീട്ടിനൽകാനാവില്ലെന്നും വനം പ്രിൻസിപ്പൽ ചീഫ് കൺസർവേറ്റർ കത്ത് നൽകിയിരുന്നു. എന്നാൽ, നിരവധി തൊഴിലാളികൾക്ക് ജോലിനൽകുന്ന സ്ഥാപനം എന്ന പരിഗണനയിൽ ഹിന്ദുസ്ഥാൻ ന്യൂസ് പ്രിൻറി​െൻറ സാമ്പത്തിക പ്രതിസന്ധി കണക്കിലെടുത്താണ് സർക്കാർ മാർച്ച് 31വരെ സാവകാശം അനുവദിച്ചത്.