ആർ.എസ്.എസ് പ്രവർത്തകന് വെട്ടേറ്റു

പൂജപ്പുര: കൊടിനാട്ടി മടങ്ങവേ തമലം ചുള്ളമുക്കിൽ ആർ.എസ്.എസ് പ്രവർത്തകനെ വെട്ടിപ്പരിക്കേൽപിച്ചു. തമലം ചുള്ള മുക്ക് സ്വദേശിയായ പ്രശാന്തി(30)നെയാണ് അയൽവാസിയും ഡി.വൈ.എഫ്.െഎ പ്രവർത്തകനുമായ രതീഷ് (35) ആക്രമിച്ച് പരിക്കേൽപിച്ചത്. രതീഷി​െൻറ സഹോദരൻ സന്തോഷ് 2016 ആഗസ്റ്റിൽ മാറനല്ലൂരിൽ വെച്ച് ആക്രമണത്തിൽ കൊല്ലപ്പെട്ടിരുന്നു. പ്രശാന്തും കൂട്ടരും ചുള്ളമുക്കിൽ ബി.ജെ.പിയുടെ കൊടിനാട്ടുന്നതിനിടെ രതീഷി​െൻറ മാതാവ് കണ്ണയുമായി വാക്കുതർക്കമുണ്ടായി. ഇത് ചോദ്യം ചെയ്യുന്നതിനിടെയാണ് ആക്രമണമെന്ന് പൊലീസ് പറഞ്ഞു. പരിക്കേറ്റ് പ്രശാന്ത് ശാഖകാര്യകാരി അംഗമാണ്. കൈയ്ക്ക് വെട്ടേറ്റ ഇയാളെ ജനറൽ ആശുപത്രിയിൽ പ്രവേശിപ്പിച്ചു. പൂജപ്പുര പൊലീസ് കേസ് രജിസ്റ്റർ ചെയ്ത് അന്വേഷണമാരംഭിച്ചു.