ബാലാവകാശ കമീഷൻ ചെയർപേഴ്സൺ; സി.ജെ. ആൻറണിക്ക് ചുമതല

തിരുവനന്തപുരം: സംസ്ഥാന ബാലാവകാശ സംരക്ഷണ കമീഷൻ ചെയർപേഴ്സ​െൻറ പൂർണ അധികച്ചുമതല നിലവിൽ അംഗമായ സി.ജെ. ആൻറണിക്ക് നൽകി സർക്കാർ ഉത്തരവായി. ചെയർപേഴ്സണായ ശോഭ കോശിയുടെ കാലാവധി പൂർത്തിയായ ഒഴിവിലാണ് നിയമനം. പുതിയ ചെയർപേഴ്സണെ നിയമിക്കുന്നതിനുള്ള നടപടിക്രമങ്ങൾ പൂർത്തിയാകാത്ത സാഹചര്യത്തിലാണ് സി.ജെ. ആൻറണിയുടെ നിയമനമെന്ന് ഉത്തരവിൽ പറയുന്നു. ജില്ല ജുവനൈൽ വെൽഫെയർ ബോർഡ് അംഗം, ചൈൽഡ് വെൽഫെയർ കമ്മിറ്റി അംഗം, ചെയർമാൻ എന്നീ നിലകളിൽ സേവനം അനുഷ്ഠിച്ചിട്ടുണ്ട്. കൊല്ലം വടക്കേവിളയാണ് സ്വദേശം.