പത്മതീർഥ നവീകരണം; ഇന്ന്​ യോഗം

തിരുവനന്തപുരം: പത്മതീർഥത്തിലെ തടസ്സപ്പെട്ട നവീകരണ പ്രവർത്തനങ്ങൾ തുടർന്നു നടത്താൻ ക്ഷേത്രം ഭരണ സമിതിയുടെയും കൺസർവേഷൻ കമ്മിറ്റിയുടെയും സംയുക്തയോഗം തിങ്കളാഴ്ച വൈകീട്ട് 5.30ന് ചേരും. ചൊവ്വാഴ്ചയോ ബുധനാഴ്ചയോ നിർമാണ പ്രവർത്തനങ്ങൾ തുടരാനാണ് തീരുമാനം. മുൻ ആർക്കിയോളജി ഡയറക്ടർ ഹേമചന്ദ്ര​െൻറ മേൽനോട്ടത്തിലായിരിക്കും നവീകരണം നടക്കുക. അദ്ദേഹം കഴിഞ്ഞ ദിവസം ക്ഷേത്രം സന്ദർശിച്ചിരുന്നു. ക്ഷേത്ര ഭരണസമിതിയും കൺസർവേഷൻ കമ്മിറ്റിയും രേഖാമൂലം തരുന്ന നിർദേശങ്ങൾക്കനുസരിച്ച് മാത്രമേ നിർമാണ പ്രവർത്തനങ്ങൾ നടത്തൂ എന്നാണ് നിർമിതി കേന്ദ്രയുടെ നിലപാട്.