ആണ്ട് നേർച്ചയും ദുആ സമ്മേളനവും

അഞ്ചൽ: വയ്ക്കൽ മുസ്ലിം ജമാഅത്ത് പരിപാലന കമ്മിറ്റിയുടെ നേതൃത്വത്തിൽ നിർമിച്ച മദ്റസ മന്ദിരം, ചാരിറ്റബിൾ ട്രസ്റ്റ്, ആംബുലൻസ് സർവിസ് എന്നിവയുടെ ഉദ്ഘാടനവും നടന്നു. വയ്ക്കൽ മുസ്ലിം ജമാഅത്ത് പ്രസിഡൻറ് മുഹമ്മദ് കബീറി​െൻറ അധ്യക്ഷതയിൽ വനംമന്ത്രി കെ. രാജു പൊതുസമ്മേളനം ഉദ്ഘാടനം ചെയ്തു. ജമാഅത്ത് സെക്രട്ടറി താജുദ്ദീൻ മൗലവി സ്വാഗതവും ഇമാം അബ്ദുല്ല മന്നാനി ദുആയും നിർവഹിച്ചു. ആംബുലൻസ് സർവിസ് ഉദ്ഘാടനവും ക്ഷേമാനുകൂല്യ വിതരണവും എൻ.കെ. പ്രേമചന്ദ്രൻ എം.പി നിർവഹിച്ചു. ചടങ്ങിൽ മദ്റസ ചാരിറ്റബിൾ ട്രസ്റ്റി​െൻറ ഉദ്ഘാടനം വർക്കല മന്നാനിയ ഇസ്ലാമിക് യൂനിവേഴ്സിറ്റി പ്രിൻസിപ്പൽ കെ.പി. അബൂബക്കർ ഹസ്രത്ത് നിർവഹിച്ചു. റിട്ട. ഡി.ജി.പി അലക്സാണ്ടർ ജേക്കബ് മുതിർന്ന പൗരന്മാരെ ആദരിച്ചു.