Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightTrivandrumchevron_rightകംഫര്‍ട്ട്...

കംഫര്‍ട്ട് സ്​റ്റേഷ​െൻറ മാലിന്യം പുറത്തേ​െക്കാഴുകുന്നു; ദുർഗന്ധം സഹിച്ച്​ നാട്ടുകാർ

text_fields
bookmark_border
പത്തനാപുരം: നഗരഹൃദയത്തില്‍ സ്ഥിതിചെയ്യുന്ന മത്സ്യ മാര്‍ക്കറ്റിലെ കംഫര്‍ട്ട് സ്റ്റേഷ​െൻറ മാലിന്യം പുറത്തേെക്കാഴുകുന്നു. വ്യാപാരികളും പൊതുജനങ്ങളും ദുര്‍ഗന്ധംകാരണം പൊറുതിമുട്ടുകയാണിവിടെ. പത്തനാപുരം നഗരത്തില്‍ ഭാഗികമായെങ്കിലും പ്രവര്‍ത്തിക്കുന്ന ഏക കംഫര്‍ട്ട് സ്റ്റേഷനാണ് മത്സ്യമാർക്കറ്റിലേത്. പുതിയ ഷോപ്പിങ് കോംപ്ലക്സ് നിർമിക്കുന്നതി​െൻറ ഭാഗമായി ഒഴിപ്പിച്ച വ്യാപാരികള്‍ക്ക് താൽക്കാലിക സംവിധാനം ഒരുക്കിയത് മാര്‍ക്കറ്റിനും കംഫര്‍ട്ട് സ്റ്റേഷനും സമീപത്തായാണ്. കംഫര്‍ട്ട് സ്റ്റേഷനിലെ പൈപ്പ് പൊട്ടിയും ടാങ്ക് നിറഞ്ഞും പുറത്തേക്ക് മലിനജലം ഒഴുകുകയാണ്. ഇതിന് പുറമേ മത്സ്യമാര്‍ക്കറ്റിലെ മലിനജലവും കെട്ടിക്കിടക്കുകയാണ്. ഇതോടെ പ്രദേശത്ത് അസഹനീയ ദുര്‍ഗന്ധമാണ്. പകര്‍ച്ചവ്യാധി ഭീഷണിയും നിലനില്‍ക്കുന്നുണ്ട്. മാലിന്യം ഒഴുകിപ്പോകാന്‍ മാര്‍ഗമില്ലാത്തതിനാല്‍ കൊതുകുകളും പെരുകുന്നുണ്ട്. ഇവിടെ വ്യാപാരംചെയ്യാന്‍ പോലും നിര്‍വാഹമില്ലാത്ത അവസ്ഥയിലാണ് കച്ചവടക്കാർ‍. ദുര്‍ഗന്ധം കാരണം ആവശ്യക്കാര്‍ ഇവിടേക്കെത്താന്‍ മടിക്കുന്നതിനാല്‍ വ്യാപാരം നഷ്ടത്തിലാണെന്നും കച്ചവടക്കാര്‍ പറയുന്നു. പച്ചക്കറി ഉള്‍പ്പെടെയുള്ളവ വ്യാപാരം നടക്കാത്തതിനാല്‍ വന്‍നഷ്ടമാണ് കച്ചവടക്കാര്‍ക്കുള്ളത്. മത്സ്യമാര്‍ക്കറ്റിലെയും കംഫര്‍ട്ട് സ്റ്റേഷനിലെയും അറ്റകുറ്റപ്പണികള്‍ തീര്‍ത്ത് വ്യാപാരത്തിന് യോജിച്ച രീതിയിലാക്കണമെന്ന ആവശ്യം ശക്തമാണ്.
Show Full Article
TAGS:LOCAL NEWS 
Next Story