കണ്ടക്ടര്‍ നിയമനം; മന്ത്രിയുടെ നിലപാട് യുവജനവിരുദ്ധം -എ.ഐ.വൈ.എഫ്

തിരുവനന്തപുരം: കെ.എസ്.ആര്‍.ടി.സി കണ്ടക്ടര്‍ റാങ്ക് പട്ടികയില്‍ ഉള്‍പ്പെട്ട പി.എസ്.സി അഡ്വൈസ് മെമ്മോ ലഭിച്ചവര്‍ക്ക് നിയമനം നല്‍കാനാവില്ലെന്ന ഗതാഗത മന്ത്രി എ.കെ. ശശീന്ദ്ര​െൻറ നിലപാട് യുവജന വിരുദ്ധെമന്ന് എ.ഐ.വൈ.എഫ് നിയമന ശിപാര്‍ശ നല്‍കിയവരിൽ ഏറെയും പി.എസ്.സി പരീക്ഷക്ക് ഇനി അപേക്ഷിക്കാന്‍ കഴിയാത്ത വിധം പ്രായപരിധി കഴിഞ്ഞവരാണ്. അഡ്വൈസ് മെമ്മോ ലഭിച്ചാല്‍ 90 ദിവസത്തിനകം നിയമനം നല്‍കണമെന്നിരിക്കെ നിയമനങ്ങള്‍ക്ക് വിലക്കേര്‍പ്പെടുത്തുന്നത് എൽ.ഡി.എഫി‍​െൻറ പ്രഖ്യാപിത നിലപാടുകള്‍ക്ക് വിരുദ്ധമാണ്. അഡ്വൈസ് മെമ്മോ ലഭിച്ചവര്‍ക്ക് നിയമനം നല്‍കാന്‍ ഗതാഗത വകുപ്പും സര്‍ക്കാറും തയാറാവണമെന്ന് സംസ്ഥാന പ്രസിഡൻറ് അഡ്വ.ആർ. സജിലാല്‍, സെക്രട്ടറി ‍മഹേഷ് കക്കത്ത് എന്നിവര്‍ ആവശ്യപ്പെട്ടു.