ജനാധിപത്യവും മതേതരത്വവും സംരക്ഷിക്കാൻ കോൺഗ്രസിനേ കഴിയൂ – ലതികാ സുഭാഷ്

കൊല്ലം: രാജ്യം ഗുരുതരമായ വെല്ലുവിളി നേരിടുമ്പോൾ ജനാധിപത്യവും മതേതരത്വവും ഭാരതത്തി​െൻറ ആത്മാവായി കാത്തുസൂക്ഷിക്കാൻ ഇന്ത്യൻ നാഷനൽ കോൺഗ്രസിന് മാത്രമേ കഴിയുകയുള്ളൂവെന്ന സത്യം കാലം തിരിച്ചറിയുമെന്ന് മഹിളാ കോൺഗ്രസ് അധ്യക്ഷ ലതിക സുഭാഷ്. മഹിള കോൺഗ്രസ് ജില്ല നേതൃ ക്യാമ്പ് ഉദ്ഘാടനം ചെയ്യുകയായിരുന്നു അവർ. നിയമത്തെ വെല്ലുവിളിക്കുകയും നിയമസംഹിതയെ കാറ്റിൽ പറത്തുകയും ചെയ്യുന്ന കേരള ഭരണം ഇരകൾക്ക് നീതി നിഷേധിച്ച് വേട്ടക്കാരനോടൊപ്പം സഞ്ചരിക്കുമ്പോൾ വനിതകൾ ശക്തിയായി പ്രതികരിക്കാൻ തയാറാകണമെന്നും അവർ പറഞ്ഞു. ജില്ല പ്രസിഡൻറ് ബിന്ദുജയൻ അധ്യക്ഷതവഹിച്ചു. രാജ്മോഹൻ ഉണ്ണിത്താൻ, അഡ്വ. എ ഷാനവാസ്ഖാൻ, എസ്. വിപിനചന്ദ്രൻ, കെ.കെ. സുനിൽകുമാർ, അഡ്വ. യു. വഹീദ, ലൈലാകുമാരി, ലതാ സി. നായർ, കൃഷ്ണവേണി ശർമ, സിസിലി സ്റ്റീഫൻ, രമാ ഗോപാലകൃഷ്ണൻ, സരസ്വതിയമ്മ, രശ്മി, സുനിത നിസാർ, ഹംസത്ത് ബീവി എന്നിവർ സംസാരിച്ചു.