അറ്റകുറ്റപ്പണി നടത്താതെ റെയിൽവേ യാത്രക്കാരെ വെല്ലുവിളിക്കുന്നു-പാസഞ്ചേഴ്സ്​ അസോസിയേഷൻ

കൊല്ലം: കേരളത്തിലെ റെയിൽവേ ട്രാക്കുകളിൽ യഥാസമയം അറ്റകുറ്റപ്പണി നടത്താതിരുന്ന റെയിൽവേ യാത്രക്കാരെ വെല്ലുവിളിക്കുന്നതായി റെയിൽവേ പാസഞ്ചേഴ്സ് അസോസിയേഷൻ സംസ്ഥാന പ്രസിഡൻറ് പരവൂർ സജീബ്. ഞായറാഴ്ചകളിൽ വിവിധ പാസഞ്ചർ െട്രയിനുകൾ നിർത്തലാക്കികൊണ്ടും, െട്രയിനുകൾ മണിക്കൂറുകൾ വൈകിപ്പിച്ചുകൊണ്ടും അറ്റകുറ്റപ്പണി നടത്താനുള്ള നീക്കം യാത്രക്കാർക്ക് ബുദ്ധിമുട്ട് ഉണ്ടാക്കും. അറ്റകുറ്റപ്പണി നടക്കാത്ത ദിവസങ്ങളിൽ പോലും െട്രയിനുകൾ മണിക്കൂറുകൾ വൈകിയോടുക പതിവാണ്. യഥാസമയം അറ്റകുറ്റപ്പണി നടത്താതിരുന്ന റെയിൽവേ ഈ ഭാരം യാത്രക്കാർ അനുഭവിക്കണമെന്ന് ശഠിക്കുകയാണെന്നും അദ്ദേഹം പ്രസ്താവനയിൽ കുറ്റപ്പെടുത്തി.