യു.ഡി.എഫ് ഏകോപനസമിതി യോഗം നാളെ

തിരുവനന്തപുരം: കേരള കോൺഗ്രസ്-എം മുന്നണിയിൽ മടങ്ങിവന്നതിന് ശേഷമുള്ള ആദ്യ യു.ഡി.എഫ് ഏകോപന സമിതി യോഗം തിങ്കളാഴ്ച ചേരും. രാജ്യസഭ സീറ്റ്ദാനം ഉയർത്തിയ തർക്കങ്ങൾക്കും കോൺഗ്രസിലെ ആരോപണ പ്രത്യാരോപണങ്ങൾക്കും ശേഷമാണ് യോഗം ചേരുന്നത്. കോട്ടയം ലോക്സഭാംഗത്വം ജോസ് കെ. മാണി രാജിവെച്ചതും ചർച്ച ചെയ്യും. രാജ്യസഭയിലേക്ക് പോകുന്നതി​െൻറ ഭാഗമായാണ് ജോസ് കെ. മാണി രാജിവെച്ചത്. വൈകീട്ട് മൂന്നിന് പ്രതിപക്ഷനേതാവി​െൻറ ഔദ്യോഗിക വസതിയായ കേൻറാണ്‍മ​െൻറ് ഹൗസിലാണ് യോഗം ചേരുന്നത്. നിയമസഭസമ്മേളനം അവസാനിക്കുന്നതിനാൽ സമരപരിപാടികൾ ആസൂത്രണം ചെയ്യുന്നതിനും ലോക്സഭ തെരഞ്ഞെടുപ്പിന് ഒരുക്കം ആരംഭിക്കുന്നതിനുമാണ് യോഗം ചേരുന്നത്.