പ്രവാസി നാടകം ശിഖണ്ഡിനി ഇന്ന്​ സൂര്യ വേദിയില്‍

തിരുവനന്തപുരം: പ്രവാസി മലയാളികള്‍ അവതരിപ്പിക്കുന്ന 'ശിഖണ്ഡിനി' നാടകം തൈക്കാട് സൂര്യയുടെ നാടകകളരിയില്‍ ശനിയാഴ്ച വൈകീട്ട് ആറിന് അരങ്ങേറും. രണ്ടേകാല്‍ മണിക്കൂര്‍ ദൈര്‍ഘ്യമുള്ള നാടകം ട്രാന്‍സ്ജെൻഡേസി​െൻറ കഥയാണ് പറയുന്നത്. മസ്‌കത്തിലും സൗദിയിലും നിരവധി വേദികളില്‍ അവതരിപ്പിച്ച് പ്രശസ്തി നേടിയതാണ്. ക്ലാപ്‌സ് ഇവൻറ്സ്, അമ്മ മസ്‌കത്ത് എന്നിവയാണ് നാടകം അവതരിപ്പിക്കുന്നത്. ഗള്‍ഫില്‍ നിന്നെത്തിയ സംഘത്തില്‍ 32 കലാകാരന്മാരാണുള്ളത്.