ടെലിവിഷൻ ശിൽപശാല സമാപിച്ചു

തിരുവനന്തപുരം: മാധ്യമ വിദ്യാർഥികൾക്കും പ്രവർത്തകർക്കുമായി കേരള ചലച്ചിത്ര അക്കാദമി സംഘടിപ്പിച്ച ടെലിവിഷൻ ശിൽപശാല സമാപിച്ചു. ജൂൺ 16നാണ് ടെലിവിഷൻ ശിൽപശാലക്ക് തുടക്കംകുറിച്ചത്. 21 വരെ നീണ്ട ആറുദിവസത്തെ ക്യാമ്പിൽ നിരവധി മുതിർന്ന മാധ്യമപ്രവർത്തകരും സംവിധായകരും ക്ലാസെടുത്തു. കേരളത്തി​െൻറ വിവിധ ഭാഗങ്ങളിൽനിന്ന് െതരഞ്ഞെടുക്കപ്പെട്ട 50 പേർ ക്യാമ്പിൽ പങ്കെടുത്തു. തിരുവനന്തപുരം സീമാറ്റിൽ നടന്ന ക്യാമ്പി​െൻറ സമാപന ചടങ്ങ് നടൻ മധു ഉദ്ഘാടനം ചെയ്തു. ചലച്ചിത്ര അക്കാദമി ചെയർമാൻ കമൽ അധ്യക്ഷതവഹിച്ചു. വൈസ് ചെയർപെഴ്സൻ ബീനാ പോൾ, അക്കാദമി സെക്രട്ടറി മഹേഷ് പഞ്ചു, ക്യാമ്പ് ഡയറക്ടർ എം. വിജയകുമാർ എന്നിവരും ചടങ്ങിൽ പങ്കെടുത്തു.