എം.എൽ.എയുടെ സ്​റ്റാഫ് അംഗത്തിെൻറ പങ്ക് അന്വേഷിക്കണം -ഹസൻ

തിരുവനന്തപുരം: യൂത്ത് കോൺഗ്രസ് കൊല്ലം സെൻട്രൽ മണ്ഡലം പ്രസിഡൻറ് ഷെഹീറിനെ ഡി.വൈ.എഫ്.ഐക്കാർ ആക്രമിച്ച കേസിൽ മുകേഷ് എം.എൽ.എയുടെ സ്റ്റാഫ് അംഗത്തി​െൻറ പങ്ക് അന്വേഷിക്കണമെന്ന് കെ.പി.സി.സി പ്രസിഡൻറ് എം.എം. ഹസൻ. അക്രമത്തിലൂടെ രാഷ്ട്രീയ പ്രതിയോഗികളെ ഇല്ലാതാക്കുകയാണ് സി.പി.എം ശൈലി. അതി​െൻറ ഇരയാണ് ഷെഹീർ. സംഭവത്തിന് പിന്നിലെ യഥാർഥ പ്രതികളെ വേഗം പിടികൂടാൻ തയാറാകണമെന്നും അദ്ദേഹം പ്രസ്താവനയിൽ ആവശ്യപ്പെട്ടു.