ജലഅതോറിറ്റി: ബില്ലിങ്​ സോഫ്​റ്റ്​വെയറിൽ പോരായ്​മ; ലക്ഷങ്ങളുടെ നഷ്​ടം

തിരുവനന്തപുരം: ജല അതോറിറ്റിയിലെ ബില്ലിങ് സാേങ്കതികസംവിധാനത്തിലെ പോരായ്മ മൂലം ഫീസ്, പിഴ ഇനത്തിൽ 76.50 ലക്ഷം രൂപ ഇൗടാക്കാനായില്ലെന്ന് സി.എ.ജി റിപ്പോർട്ട്. ഡാറ്റാ ബേസ് രൂപകൽപനയിലെ അപാകത മൂലം ഒാൺലൈൻ മേൽനോട്ടത്തിന് കഴിഞ്ഞില്ല. ഇതുമൂലം 6.42 ലക്ഷത്തി​െൻറ പണാപഹരണം നടന്നു. പ്രവർത്തനം സോഫ്റ്റ്വെയറിൽ ഉൾപ്പെടുത്തുന്നതിലുണ്ടായ കൃത്യതയില്ലായ്മ മൂലം വെള്ളക്കരം-മലിനജലസംസ്കരണം ഇനത്തിൽ 450.66 ലക്ഷത്തി​െൻറ നഷ്ടമുണ്ടായി. ഉപഭോക്താക്കളിൽ നിന്ന് 1.35 ലക്ഷം അധികം ഇൗടാക്കുന്നതിനും ഇടയാക്കി. സോഫ്റ്റ്വെയറിലെ തെറ്റുമൂലം കൃത്യതയില്ലാത്ത വെള്ളക്കരബിൽ തയാറാക്കി. ഇതാകെട്ട 17.38 ലക്ഷം രൂപയുടെ നഷ്ടത്തിനിടയാക്കി. സ്റ്റാൻഡഡൈസേഷൻ പരിശോധനയിലെ പരാജയം സോഫ്റ്റ്വെയറിൽ ഗുരുതര വിവരസാേങ്കതിക സുരക്ഷാപാളിച്ചക്കും കാരണമായി.