മണ്‍തിട്ട ഇടിഞ്ഞുവീണ് കിണറും വീടും തകര്‍ന്നു

വെള്ളറട: മണ്‍തിട്ട ഇടിഞ്ഞുവീണ് കിണറും വീടും തകര്‍ന്നു. കഴിഞ്ഞദിവസം ശക്തമായി പെയ്ത മഴയിലാണ് അപകടമുണ്ടായത്. കുടപ്പനമൂട് കാര്‍ത്തികാ ഭവനില്‍ കാര്‍ത്തികേയ​െൻറ വീടും കിണറുമാണ് തകര്‍ന്നത്. മണ്ണ് നീക്കം ചെയ്താലേ തകര്‍ന്ന അടുക്കളയും കിണറും പുനഃസ്ഥാപിക്കാന്‍ കഴിയൂ. ബ്ലോക്ക് പഞ്ചായത്ത് അംഗം ഷാജഹാ​െൻറ നേതൃത്വത്തില്‍ നാട്ടുകാര്‍ രക്ഷാപ്രവര്‍ത്തനം നടത്തി. കൂടാതെ ശക്തമായി വീശിയടിച്ച കാറ്റില്‍ പ്രദേശത്ത് വ്യാപകമായി കൃഷി നാശമുണ്ടായി. കുടപ്പനമൂട്, കോവില്ലൂര്‍, കള്ളിമൂട്, കത്തിപ്പാറ, കുടയാല്‍ ഭാഗങ്ങളില്‍ നിരവധി വാഴകള്‍ ഒടിഞ്ഞുവീണു. അതെ സമയം മാസങ്ങള്‍ക്കു മുമ്പ് പ്രകൃതിക്ഷോഭത്തില്‍ കൃഷി നശിച്ചവര്‍ക്കുള്ള ധനസഹായം ഇതുവരെ ലഭിച്ചിെല്ലന്ന് കര്‍ഷകര്‍ പറയുന്നു.