ജനപ്രതിനിധികൾക്കെതിരെ തെറ്റിദ്ധാരണ പരത്തുന്നതായി സി.പി.ഐ

അഞ്ചൽ: ആയൂർ പെരുങ്ങള്ളൂർ കോഴിപ്പാലം പുനഃനിർമിക്കുന്നതി​െൻറ ഭാഗമായി ജനങ്ങൾക്കിടയിൽ തെറ്റിദ്ധാരണ പരത്തുന്നത് അവസാനിപ്പിക്കണമെന്ന് സി.പി.ഐ ആയൂർ ലോക്കൽ കമ്മിറ്റി ആവശ്യപ്പെട്ടു. ചിലർ അടിസ്ഥാനരഹിതമായ വാർത്തകളിലൂടെ സ്ഥലം എം.എൽ.എ കൂടിയായ മന്ത്രി കെ. രാജു, ചടയമംഗലം എം.എൽ.എ മുല്ലക്കര രത്നാകരൻ ഉൾപ്പെടെ ജനപ്രതിനിധികളെ അപകീർത്തിപ്പെടുത്താൻ ശ്രമിച്ചു. ഈ പ്രവണത തുടർന്നാൽ ശക്തമായി പ്രതികരിക്കുകയും നിയമനടപടി സ്വീകരിക്കുകയും ചെയ്യുമെന്ന് ബ്ലോക്ക് പഞ്ചായത്തംഗവും സി.പി.ഐ ലോക്കൽ സെക്രട്ടറിയുമായ ജി.എസ്. അജയകുമാർ പ്രസ്താവനയിൽ അറിയിച്ചു.