കസ്​തൂരി രംഗൻ: 31 വില്ലേജുകൾ ഒഴിവാക്കാൻ ആവശ്യപ്പെടും

തിരുവനന്തപുരം: കസ്തൂരി രംഗൻ റിപ്പോർട്ടുമായി ബന്ധപ്പെട്ട് പരിസ്ഥിതി സംവേദന പ്രദേശപരിധിയിൽ നിന്ന് 31 വില്ലേജുകെള ഒഴിവാക്കണമെന്ന് കേന്ദ്ര സർക്കാറിനോട് ആവശ്യപ്പെടാൻ മന്ത്രിസഭാ യോഗം തീരുമാനിച്ചു. അന്തിമ വിജ്ഞാപനത്തിൽ ജനവാസ മേഖലകളായ ഇൗ പ്രദേശങ്ങളെ ഒഴിവാക്കണമെന്നാണ് ആവശ്യം. ഗാഡ്ഗിൽ റിപ്പോർട്ടിന് ശേഷം വന്ന കസ്തൂരി രംഗൻ റിപ്പോർട്ടിലെ ചില ശിപാർശകളിലും എതിർപ്പുയരുന്നു. ഇക്കാര്യത്തിൽ സംസ്ഥാന സർക്കാർ പഠനംനടത്തി കേന്ദ്രത്തിൽ നിവേദനം നൽകിയിരുന്നു. എന്നാൽ ഇക്കാര്യത്തിൽ ഇനിയും തീരുമാനമായിട്ടില്ല.