ഗണേഷ്​കുമാർ എം.എൽ.എക്കെതിരെ പ്രതിഷേധം

അഞ്ചൽ: മരണവീട്ടിലേക്ക് യാത്ര ചെയ്ത അമ്മയെയും മകനെയും വഴിയിലിട്ട് മർദിക്കുകയും അസഭ്യം പറയുകയും ചെയ്ത കെ.ബി. ഗണേഷ്കുമാർ എം.എൽ.എയുടെ നടപടിയിൽ കോൺഗ്രസ് ബ്ലോക്ക് പ്രസിഡൻറ് ഏരൂർ സുഭാഷ്, ആർ.എസ്.പി ലോക്കൽ കമ്മിറ്റി സെക്രട്ടറി കാട്ടയ്യം സുരേഷ്, മഹിളാ കോൺഗ്രസ് നിയോജക മണ്ഡലം പ്രസിഡൻറ് ഗീത വടമൺ, മണ്ഡലം പ്രസിഡൻറ് എസ്. ഷീജ എന്നിവർ പ്രതിഷേധിച്ചു. എം.എൽ.എക്കെതിരെ വനിതാ കമീഷനിൽ പരാതി നൽകുമെന്നും വനിതാ നേതാക്കൾ അറിയിച്ചു. സംഭവത്തിൽ പ്രതിഷേധിച്ച് ബി.ജെ.പിയുടെ നേതൃത്വത്തിൽ അഞ്ചൽ ടൗണിൽ പ്രകടനം നടത്തി. എം.എൽ.എയെ സംരക്ഷിക്കുന്ന നിലപാടാണ് പൊലീസി​െൻറ ഭാഗത്തു നിന്നുമുണ്ടാകുന്നതെങ്കിൽ ശക്തമായ പ്രതിഷേധ പരിപാടി നടത്തുമെന്ന് ബി.ജെ.പി നിയോജക മണ്ഡലം പ്രസിഡൻറ് ഉമേഷ് ബാബു അറിയിച്ചു. റമദാൻ റിലീഫ് അഞ്ചൽ: മുസ്ലിം ലീഗ് കരവാളൂർ പഞ്ചായത്ത് കമ്മിറ്റിയുടെ ആഭിമുഖ്യത്തിൽ റമദാൻ റിലീഫും ധാന്യക്കിറ്റ് വിതരണവും നടന്നു. ലീഗ് ജില്ലാ കമ്മിറ്റിയംഗം എം.എ റഹീം ഉദ്ഘാടനം ചെയ്തു. പഞ്ചായത്ത് കമ്മിറ്റി പ്രസിഡൻറ് എസ്. അബ്ദുൽ അസീസ് അധ്യക്ഷത വഹിച്ചു. മണ്ഡലം സെക്രട്ടറി എ. ദുനൂബ് കുട്ടി, കെ.എ. കലാം, എം. സലീം കൂനങ്കാവിൽ, ബദറുദ്ദീൻ ഏരൂർ, എൻ. സലീം, മൈതീൻ കണ്ണ്, എം. അജിത് ഖാൻ, വി. അബ്ദുൽ മജീദ്, ഷാജഹാൻ, എസ്. ഇബ്രാഹിം കുട്ടി, മുഹമ്മദ് തമ്പി എന്നിവർ സംസാരിച്ചു.