ഏഷ്യൻ ജൂനിയർ അത്​ലറ്റിക് മീറ്റിൽ കമൽരാജിന് സ്വർണം

-പടം- തിരുവനന്തപുരം: ജപ്പാനിൽ നടന്ന ഏഷ്യൻ ജൂനിയർ അത്ലറ്റിക് മീറ്റിൽ തിരുവനന്തപുരം സായി അത്ലറ്റിക് അക്കാദമി ട്രെയിനി കമൽരാജ് കനകരാജ് സ്വർണം നേടി. പുരുഷന്മാരുടെ ട്രിപിൾ ജംപിലാണ് 19കാര​െൻറ സുവർണനേട്ടം. ജപ്പാനിലെ ജിഫുവിൽ നടന്ന മത്സരത്തിൽ 15.75 മീറ്റർ ചാടിയ കമൽരാജ് 15.56 മീറ്റർ ചാടിയ കൊറിയയുടെ ജ്യുമിൻ ജുവിനെയും 15.47 മീറ്റർ ചാടിയ ജപ്പാ​െൻറ സ്യുൻസുകി ഇസുമിയയെയും യഥാക്രമം രണ്ടും മൂന്നും സ്ഥാനത്തേക്ക് പിന്തള്ളിയാണ് സ്വർണം നേടിയത് . കഴിഞ്ഞ മാസം നടന്ന ജൂനിയർ സൗത്ത് ഏഷ്യൻ ചാമ്പ്യൻഷിപ്പിൽ കമൽരാജ് ത​െൻറ ഏറ്റവും മികച്ച വ്യക്തിഗത നേട്ടത്തോടെ സ്വർണം സ്വന്തമാക്കിയിരുന്നു. അടുത്തകാലത്ത് ഇറാനിലെ തെഹ്റാനിൽ നടന്ന എട്ടാമത് ഏഷ്യൻ ഇൻഡോർ അത്ലറ്റിക് ചാമ്പ്യൻഷിപ്പിൽ 16.05 മീറ്ററി​െൻറ പുതിയ മീറ്റ് റെക്കോഡോടെ വെള്ളി നേടിയിരുന്നു . ശ്രീലങ്കയിലെ കൊളംബോയിൽ നടന്ന സാഫ് ജൂനിയർ അത്ലറ്റിക് മീറ്റിലും 16ാമത് ഫെഡറേഷൻ കപ്പ് ജൂനിയർ അത്ലറ്റിക് മീറ്റിലും നേടിയ സ്വർണ മെഡലുകൾ ഈ മിടുക്ക​െൻറ 2018 ലെ നേട്ടങ്ങളുടെ പട്ടികക്ക് മാറ്റു കൂട്ടുന്നു . തിരുവനന്തപുരം കാര്യവട്ടം എൽ.എൻ.സി.പി.ഇ കാമ്പസിൽ പ്രവർത്തിക്കുന്ന സായി സ്പ്രിൻറ് ആൻഡ് ജംപ് അക്കാദമിയിൽ റുമേനിയൻ കോച്ച് ബെഡ്‌റോസ് ബെഡ്‌റോസിയനു കീഴിൽ രണ്ടു വർഷമായി കമൽരാജ് പരിശീലനം നേടുന്നു. കമൽരാജിനെയും പരിശീലകനെയും എൽ.എൻ.സി.പി.ഇ പ്രിൻസിപ്പൽ ഡോ. ജി. കിഷോർ അനുമോദിച്ചു.