തൂക്കുപാലത്തിൽ സംരക്ഷണവേലി സ്ഥാപിക്കൽ പൂർത്തിയായി

പുനലൂർ: സംരക്ഷിത സ്മാരകവും വിനോദസഞ്ചാര കേന്ദ്രവുമായ പുനലൂർ തൂക്കുപാലത്തിൽ സംരക്ഷണവേലി നിർമാണം പൂർത്തിയായി. പാലത്തി​െൻറ ഇരുവശത്തുമുള്ള ഗർഡറുകളുടെ വിടവിലൂടെ ആളുകൾ ആറ്റിൽ വീഴുന്നത് ഒഴിവാക്കാനാണ് ഇരുമ്പ് വല ഉപയോഗിച്ച് വേലിസ്ഥാപിച്ചത്. ഇതിനും മറ്റ് അടിയന്തര അറ്റകുറ്റപണിക്കും അടുത്തിടെ സർക്കാർ 15 ലക്ഷം രൂപ അനുവദിച്ചിരുന്നു. 50 മീറ്ററോളം ദൂരത്തിലുള്ള ഇരുവശെത്തയും ഗർഡറുകളുടെ ഇടയിൽ വിടവുണ്ടായിരുന്നു. പഴക്കമുള്ള ഗർഡറുകൾക്ക് നാശം ഉണ്ടാകാതെ പ്രത്യേക ചട്ടക്കൂട് ഉണ്ടാക്കിയാണ് വല സ്ഥാപിച്ചത്. നിർമാണ പ്രവർത്തനങ്ങൾക്ക് പുരാവസ്തു വകുപ്പ് അധികൃതരുടെ മതിയായ മേൽനോട്ടം ഇല്ലാതിരുന്നതായും ആക്ഷേപമുണ്ട്.