മതസൗഹാർദത്തിന്​ കരുത്തായി അജാസിന്​ സംഗീതി​െൻറ കരുതൽ

മയ്യനാട്: ഒരുപക്ഷേ മതസൗഹാർദമെന്താണെന്നോ വർത്തമാനകാലത്തെ മതസൗഹാർദത്തി​െൻറ ആവശ്യകതയെക്കുറിച്ചോ വാളത്തുംഗൽ ഗവ. ബോയ്സ് ഹയർ സെക്കൻഡറി സ്കൂളിലെ സംഗീതിനും അജാസിനും അറിയില്ലായിരിക്കാം. എന്നാൽ, ഒന്നുറപ്പാണ് നാളെയുടെ മതസൗഹാർദത്തി​െൻറ കരുതലാണീ കുഞ്ഞുങ്ങൾ. ആറാം ക്ലാസിലെ ത​െൻറ സഹപാഠിയായ അജാസിന് പഠനം തുടരാനുള്ള സാമ്പത്തിക സ്ഥിതിയില്ലെന്നറിഞ്ഞ് സംഗീത് വീട്ടിൽ നിർബന്ധംപിടിച്ചപ്പോൾ ഒരു നിർധനവിദ്യാർഥിക്ക് പഠനം തുടരാനുള്ള അവസരമാണ് തുറന്നത്. പഠനോപകരണങ്ങളില്ലാതെ ക്ലാസിൽ വിഷമിച്ചിരുന്ന ഇതരസംസ്ഥാനക്കാരനും നിർധനനുമായ അജാസി​െൻറ കാര്യങ്ങൾ സംഗീത് ചോദിച്ചുമനസ്സിലാക്കി. തുടർന്ന് സംഗീത് വീട്ടിലെത്തി വിവരങ്ങൾ മാതാപിതാക്കളോട് പറഞ്ഞു. തനിക്ക് സ്കൂൾ തുറന്നപ്പോൾ എന്തൊെക്ക വാങ്ങിയോ അതൊക്കെ അജാസിനും വാങ്ങിനൽകണമെന്ന് സംഗീത് നിർബന്ധം പിടിക്കുകയായിരുന്നു. തുടർന്ന് അജാസിന് ആവശ്യമായ പഠനോപകരണങ്ങൾ പിതാവിനെക്കൊണ്ട് വാങ്ങി ക്ലാസിൽ കൊണ്ടുവന്ന് നൽകി. അപ്പോഴാണ് സ്കൂൾ അധികൃതർപോലും കുഞ്ഞുഹൃദയത്തിനുള്ളിലെ സ്നേഹത്തി​െൻറ കരുതലിനെക്കുറിച്ചറിയുന്നത്. ബാഗും കുടയും പേനയും തുടങ്ങി പഠനത്തിന് ആവശ്യമായ എല്ലാം അതിലുണ്ടായിരുന്നു. ഒരു മസ്ജിദിൽനിന്ന് മതപഠനം നടത്തുന്നേതാടൊപ്പമാണ് അജാസ് സ്കൂളിലും പോകുന്നത്.