മാലിന്യനിര്‍മാര്‍ജനം ഗൗരവമായെടുക്കണം -മുഖ്യമന്ത്രി

തിരുവനന്തപുരം: മാലിന്യനിര്‍മാര്‍ജനം അതീവ ഗൗരവമായി എടുക്കണമെന്നും രോഗങ്ങള്‍ കടന്നുവരുന്നതില്‍ പരിസ്ഥിതിപ്രശ്‌നങ്ങളും കാരണമാണെന്നും മുഖ്യമന്ത്രി പിണറായി വിജയന്‍. മലിനീകരണ നിയന്ത്രണ ബോര്‍ഡ് ഏര്‍പ്പെടുത്തിയ എക്‌സലന്‍സ് അവാര്‍ഡ് വിതരണവും പരിസ്ഥിതിദിനാഘോഷങ്ങളുടെ സമാപനസമ്മേളനവും ഉദ്ഘാടനം ചെയ്യുകയായിരുന്നു അദ്ദേഹം. എല്ലാ വിഭാഗങ്ങളിലെയും സ്ഥാപനങ്ങള്‍ക്കും വിദ്യാലയങ്ങള്‍ക്കുമുള്ള മലിനീകരണ നിയന്ത്രണ പ്രവര്‍ത്തനങ്ങള്‍ക്കുള്ള അവാർഡ് മുഖ്യമന്ത്രി വിതരണം ചെയ്തു. കെ. മുരളീധരന്‍ എം.എല്‍.എ അധ്യക്ഷത വഹിച്ചു. ഹരിതകേരളം മിഷന്‍ വൈസ് ചെയര്‍പേഴ്‌സണ്‍ ഡോ. ടി.എന്‍. സീമ, മലിനീകരണ നിയന്ത്രണ ബോര്‍ഡ് ചെയര്‍മാന്‍ കെ. സജീവന്‍ തുടങ്ങിയവര്‍ സംബന്ധിച്ചു.