ആര്‍.എസ്.എസ്-ബി.ജെ.പി അഴിഞ്ഞാട്ടം അവസാനിപ്പിക്കണം

നെടുമങ്ങാട്: ആനാട്ടും പരിസരത്തും ആര്‍.എസ്.എസ്-ബി.ജെ.പി അക്രമിസംഘം നടത്തുന്ന അഴിഞ്ഞാട്ടം അവസാനിപ്പിക്കാന്‍ തയാറാകണമെന്ന് സി.പി.എം നെടുമങ്ങാട് ഏരിയാ കമ്മിറ്റി ആവശ്യപ്പെട്ടു. നാടിനെ കലാപ കലുഷിതമാക്കാനുള്ള കുടില ശ്രമങ്ങളാണ് നടത്തുന്നത്. സി.പി.എം-ഡി.വൈ.എഫ്.ഐ പ്രവര്‍ത്തകരെ കൊലപ്പെടുത്താന്‍ ഏതാനും നാളുകളായി ശ്രമം നടക്കുന്നു. ചൊവ്വാഴ്ച രാത്രി സി.പി.എം ആനാട് ലോക്കല്‍ കമ്മിറ്റി ഓഫിസിനുനേരേ നടന്ന ആക്രമണവും മരുതുംകോണത്ത് ഡി.വൈ.എഫ്.ഐ പ്രവര്‍ത്തക​െൻറ കാര്‍ അഗ്നിക്കിരയാക്കിയ സംഭവവും ഏരിയാ കമ്മിറ്റി അംഗത്തെ വഴിയില്‍ തടഞ്ഞുനിര്‍ത്തി ആക്രമിക്കാന്‍ ശ്രമിച്ചതും ഇതി​െൻറ ഭാഗമാണ്. അക്രമികളെ എത്രയുംേവഗം നിയമത്തിനുമുന്നിൽ കൊണ്ടുവരണമെന്നും സി.പി.എം ഏരിയാ സെക്രട്ടറി ആര്‍. ജയദേവന്‍ ആവശ്യപ്പെട്ടു. പ്രദേശത്തെ സമാധാനജീവിതം തകർത്ത് കലാപഭൂമിയാക്കാനുള്ള സി.പി.എം-ബി.ജെ.പി നീക്കം ഉപേക്ഷിക്കണമെന്ന് ജില്ലാ പഞ്ചായത്ത് പ്രതിപക്ഷ നേതാവ് ആനാട് ജയൻ ആവശ്യപ്പെട്ടു. പ്രദശത്ത് കുറച്ചുനാളായി സാമൂഹികവിരുദ്ധർ അഴിഞ്ഞാടുകയാണ്. അക്രമങ്ങളിൽ നെടുമങ്ങാട് പൊലീസ് കാഴ്ചക്കാരായി നോക്കിനിന്നത് പൊലീസ് സംവിധാനത്തി​െൻറ ഗുരുതരവീഴ്ചയാണ് കാണിക്കുന്നത്. ഇരു പാർട്ടികളും ആയുധം താഴെവെക്കാൻ തയാറാകണമെന്നും അദ്ദേഹം ആവശ്യപ്പെട്ടു.