ടാറിട്ട് രണ്ടുമാസം തികയുംമുമ്പ്​ റോഡ് തകർന്നു

പേയാട്: ടാറിട്ട് കരാറുകാരൻ മടങ്ങി രണ്ടു മാസം തികയും മുമ്പ് പഞ്ചായത്ത് റോഡ് തകർന്നു. വിളപ്പിൽ പഞ്ചായത്തിലെ മിണ്ണംകോട് ചെറുതേരി - മുക്കംപാലമൂട് റോഡാണ് 10 മീറ്ററോളം ദൂരത്തിൽ ഒരു വശം പൂർണമായും ഇടിഞ്ഞുതാണത്. നിലവിൽ ഇവിടെ ഗതാഗതം അപകടാവസ്ഥയിലാണ്. അവിടവിടെ കുഴി രൂപെപ്പട്ട റോഡ് ഇനിയൊരു മഴകൂടിയായാൽ പൂർണമായും ഒലിച്ചുപോയേക്കുമെന്ന് നാട്ടുകാർ പറയുന്നു. റോഡ് വശത്തെ ഭിത്തികൾ തകർന്നു വീണതിനാൽ ഇതുവഴിയുള്ള ഗതാഗതവും തടസ്സപ്പെട്ടിരിക്കുകയാണ്. ജില്ല, ബ്ലോക്ക്, ഗ്രാമപഞ്ചായത്ത് സംയുക്ത പദ്ധതിയായി 13 ലക്ഷം ചെലവഴിച്ചാണ് 1.5 കി.മീറ്റർ ദൈർഘ്യമുള്ള റോഡ് നവീകരിച്ചത്. നിർമാണത്തിലുണ്ടായ അപാകതയാണ് റോഡി​െൻറ തകർച്ചക്ക് കാരണമെന്ന് നാട്ടുകാർ ആരോപിക്കുന്നു. .