15 കാരിയെ തട്ടിക്കൊണ്ടുപോയി പീഡനം; മൂന്നുപേർ അറസ്​റ്റിൽ

പാറശ്ശാല: വിവാഹ വാഗ്ദാനം നൽകി 15 കാരിയെ തട്ടിക്കൊണ്ടു പോയി പീഡിപ്പിച്ച കേസിൽ മൂന്നു പേരെ പാറശ്ശാല പൊലീസ് അറസ്റ്റ് ചെയ്തു. ചെങ്കൽ കീഴ്ക്കൊല്ല തൃക്കണ്ണാപുരം മേഴിയാത്തലവീട്ടിൽ അപ്പൂസ് എന്ന് വിളിക്കുന്ന അരവിന്ദ് 21 കൊല്ലയിൽ നടക്കർക്കൊല്ല, ആമോട്ടുകോണം, കിടാരക്കുഴി പുത്തൻവീട്ടിൽ കണ്ണൻ എന്നു വിളിക്കുന്ന അഖിൽ 21 കൊല്ലയിൽ നടൂർക്കൊല്ല വാഴോട്ടുവിളവടകരത്തുവിള വീട്ടിൽ രഞ്ജിത്ത് 25 എന്നിവരാണ് പിടിയിലായത്. കൊറ്റാമം സ്വദേശിയായ, പ്രായപൂർത്തിയാകാത്ത 15 കാരിയെ അരവിന്ദ് പ്രേമം നടിച്ച് വിവാഹ വാഗ്ദാനം നൽകി തട്ടിക്കൊണ്ടുപോയി മൂന്നുപേരും ചേർന്ന് പീഡിപ്പിക്കുകയായിരുന്നെന്ന് പൊലീസ് പറഞ്ഞു. പാറശ്ശാല സി.ഐ ബിനുകുമാർ -എസ്-ഐ വിനീഷ്, എ.എസ്.ഐമാരായ സലിം , ബിനുകുമാർ, സി.പി.ഒമാരായ അനീഷ് അരുൺ എന്നിവരുടെ നേതൃത്വത്തിലാണ് പ്രതികളെ പിടികൂടിയത്.