റെയിൽവേ സോൺ ആവശ്യം വീണ്ടും ഉന്നയിക്കുമെന്ന്​ മന്ത്രി

തിരുവനന്തപുരം: എറണാകുളം ആസ്ഥാനമായി റെയിൽവേ പെനിൻസുലാർ സോൺ ആരംഭിക്കണമെന്ന ആവശ്യം വീണ്ടും കേന്ദ്ര സർക്കാറിനോട് ഉന്നയിക്കുമെന്ന് മന്ത്രി ജി. സുധാകരൻ നിയമസഭയെ അറിയിച്ചു. കന്യാകുമാരി മുതൽ മംഗലാപുരം വരെ ഭാഗങ്ങൾ എറണാകുളം ഉൾപ്പെടുത്താമെന്നതാണ് നിർദേശം. എറണാകുളം ഹൈകോടതിക്ക് സമീപം റെയിൽവേയുടെ 42 ഏക്കർ ഭൂമി ആസ്ഥാനത്തിന് വിനിയോഗിക്കാമെന്ന് റെയിൽവേ മന്ത്രാലയത്തെ അറിയിച്ചിരുന്നെന്നും ജോൺ ഫെർണാണ്ടസി​െൻറ ശ്രദ്ധക്ഷണിക്കലിന് മറുപടിയായി മന്ത്രി പറഞ്ഞു. പാത ഇരട്ടിപ്പിക്കൽ, വൈദ്യുതീകരണം, റെയിൽ കോച്ച് ഫാക്ടറി എന്നിവക്ക് ബജറ്റിൽ പ്രഖ്യാപിച്ച പദ്ധതികൾ നടപ്പാക്കുന്നതിന് കേരളം സമ്മർദം ചെലുത്തുന്നുണ്ടെന്നും അദ്ദേഹം അറിയിച്ചു.