കിള്ളിയാർസിറ്റി മിഷൻ; ജനകീയ കൺവെൻഷൻ സംഘടിപ്പിച്ചു

തിരുവനന്തപുരം: കള്ളിയാർ സിറ്റിമിഷ​െൻറ ഭാഗമായി സംഘടിപ്പിച്ച ജനകീയ കൺവെൻഷൻ 'കിള്ളിയാർ ശുചീകരണം' മന്ത്രി തോമസ് ഐസക് ഉദ്ഘാടനം ചെയ്തു. കോർപറേഷൻ ഏറ്റെടുത്ത സിറ്റിമിഷൻ മാതൃകപരമാണെന്നും കിള്ളിയാർ ശുചീകരിക്കുന്നതോടൊപ്പം അതേനിലയിൽ നിലനിർത്തുന്നതിനുള്ള പ്രവർത്തനങ്ങളും സംഘടിപ്പിക്കണമെന്ന് അദ്ദേഹം പറഞ്ഞു. ജനകീയ കൺവെൻഷ​െൻറ ഭാഗമായി മന്ത്രിമാരെയും മറ്റ് ജനപ്രതിനിധികളെയും സംഘടിപ്പിച്ച് സംഘാടകസമിതിയും രൂപവത്കരിച്ചു. ശുചീകരണത്തി​െൻറ ഭാഗമായി കൺവെൻഷനുകളും സംഘടിപ്പിക്കും. എല്ലാ വീടും സന്ദർശിച്ച് കിള്ളിയാർ ശുചീകരണത്തി​െൻറ പ്രാധാന്യം അറിയിച്ച് ജനങ്ങളിൽ ബോധവത്കരണം നടത്തും. മേയർ വി.കെ. പ്രശാന്ത് അധ്യക്ഷതവഹിച്ചു. എ. സമ്പത്ത് എം.പി, വി.എസ്. ശിവകുമാർ എം.എൽ.എ, ഹരിതകേരള മിഷൻ വൈസ് ചെയർപേഴ്സൺ ഡോ. ടി.എൻ. സീമ എന്നിവർ സംസാരിച്ചു. ഡെപ്യൂട്ടി മേയർ രാഖി രവികുമാർ, ആനാവൂർ നാഗപ്പൻ, ജി.ആർ. അനി, വി. ശിവൻകുട്ടി, സി. ജയൻബാബു, കോലിയക്കോട് കൃഷ്ണൻനായർ, സ്ഥിരംസമിതി അധ്യക്ഷരായ ആർ. ഗീതാഗോപാൽ, സിമി ജ്യോതിഷ്, ഉണ്ണികൃഷ്ണൻ, കെ. ശ്രീകുമാർ, ആർ. സതീഷ്കുമാർ, സഫീറാബീഗം, ഗിരികുമാർ, ജോൺസൺ ജോസഫ് എന്നിവർ സംബന്ധിച്ചു.