ഹോമിയോപ്പതിയുടെ സമഗ്ര വികസനത്തിന്​ 25 കോടി

തിരുവനന്തപുരം: ഹോമിയോപ്പതിയുടെ സമഗ്ര വികസനത്തിന് 24.90 കോടിയുടെ ഭരണാനുമതി നല്‍കിയതായി മന്ത്രി കെ.കെ. ശൈലജ. പുതിയ ഹോമിയോ ആശുപത്രികളും ഡിസ്‌പെന്‍സറികളും ആരംഭിക്കുന്നതിന് 1.10 കോടി, ജനനി ഫെര്‍ട്ടിലിറ്റി സ​െൻററിന് 25 ലക്ഷം, ഹോമിയോപ്പതി സ്ഥാപനങ്ങളുടെ നിർമാണത്തിനും നവീകരണത്തിനുമായി മൂന്ന് കോടി, സംസ്ഥാന ഹോമിയോപ്പതി കോഓപറേറ്റിവ് ഫാര്‍മസിയായ ഹോം കോക്കുള്ള ധനസഹായമായി 75 ലക്ഷം, ഹോമിയോപ്പതി വകുപ്പി​െൻറ ആധുനീകരണത്തിനും നിലവാരം മെച്ചപ്പെടുത്തുന്നതിനും 7.50 കോടി, ആരോഗ്യ പരിപാലനവും പ്രത്യേക ആരോഗ്യ സംരക്ഷണ കേന്ദ്രങ്ങളും എന്ന പദ്ധതിക്ക് 7.30 കോടി എന്നിങ്ങനെയാണ് വകയിരുത്തിയിട്ടുള്ളത്. ഇതുകൂടാതെ ഹോമിയോ ദേശീയ ആയുഷ് മിഷ​െൻറ സംസ്ഥാന വിഹിതമായ അഞ്ച് കോടിയും അനുവദിച്ചു. ഹോമിയോപ്പതി സ്ഥാപനങ്ങളുടെ നിർമാണത്തിനും നവീകരണത്തിനുമുള്ള മൂലധനസഹായമായി നല്‍കുന്ന മൂന്ന് കോടി രൂപയില്‍ എറണാകുളം ജില്ലാ ഹോമിയോ ആശുപത്രിക്ക് രണ്ട് കോടി രൂപയും തൃശൂര്‍ ജില്ലാ ഹോമിയോ ആശുപത്രിക്കായി ഒരു കോടി രൂപയും വകയിരുത്തിയിട്ടുണ്ട്.