കളിക്കുന്നതിനിടെ കിണറ്റിൽ വീണ കുട്ടിയെ ഫയർഫോഴ്​സ്​ രക്ഷിച്ചു

കഴക്കൂട്ടം: സഹോദരങ്ങളോടൊപ്പം പന്ത് കളിക്കുന്നതിനിടെ കാൽവഴുതി കിണറ്റിൽ വീണ പെൺകുട്ടിയെ ഫയർഫോഴ്സ് രക്ഷപ്പെടുത്തി. പോത്തൻകോട് പള്ളിനട മെസ്ഫിലിൽ ഷംനാദി​െൻറ മകൾ ഷഫ്ന (15) ആണ് കിണറ്റിൽ വീണത്. അപകടം നടന്നയുടൻ രക്ഷാപ്രവർത്തനത്തിനിറങ്ങിയ നാട്ടുകാരൻ കുട്ടിയെ കയറിൽ പിടിച്ചുനിൽക്കാൻ സഹായിച്ചു. കഴക്കൂട്ടത്തുനിന്ന് ഫയർഫോഴ്െസത്തി വലയിറക്കിയാണ് കുട്ടിയെ കരക്കുകയറ്റിയത്.