യാത്രക്കാരൻ മരിച്ച സംഭവം: ബസ് ഡ്രൈവർ അറസ്​റ്റിൽ

തിരുവനന്തപുരം: റോഡ് മുറിച്ചുകടക്കവെ കാൽനടയാത്രക്കാരൻ സ്വകാര്യ ബസിടിച്ച് മരിച്ച സംഭവത്തിൽ ബസ് ഡ്രൈവറെ അറസ്റ്റ് ചെയ്തു. നെടുങ്കാട് പനവിളയിൽ രാമചന്ദ്രനെയാണ് (53) വെള്ളിയാഴ്ച ട്രാഫിക് പൊലീസ് അറസ്റ്റ് ചെയ്തത്. വ്യാഴാഴ്ച രാവിലെ 9.45ഓടെ ഓവർബ്രിഡ്ജിലായിരുന്നു സംഭവം. സിഗ്നൽ തെറ്റിച്ച് ബസ് ഓടിച്ച രാമചന്ദ്രൻ റോഡിന് സമീപത്തുകൂടി പോകുകയായിരുന്ന ചിറയിൻകീഴ് സ്വദേശി രവീന്ദ്രനെ (74) ഇടിച്ചിടുകയായിരുന്നു. ബസിനടിയിലേക്കുവീണ രവീന്ദ്ര​െൻറ ശരീരത്തിലൂടെ പിൻചക്രങ്ങൾ കയറിയിറങ്ങി. കോടതിയിൽ ഹാജരാക്കിയ രാമചന്ദ്രനെ റിമാൻഡ് ചെയ്തു.