ബാങ്ക്​ പണിമുടക്ക്​ പൂർണം

കൊല്ലം: കാലഹരണപ്പെട്ട സേവനവേതന കരാർ പുതുക്കണമെന്നാവശ്യപ്പെട്ട് രാജ്യത്തെ ബാങ്ക് ജീവനക്കാർ യുനൈറ്റഡ് ഫോറം ഒാഫ് യൂനിയൻസി​െൻറ നേതൃത്വത്തിൽ നടത്തിയ 48 മണിക്കൂർ പണിമുടക്ക് രണ്ടാംദിവസം ജില്ലയിൽ സമ്പൂർണം. പൊതുേമഖല-സ്വകാര്യ- വിദേശ ബാങ്കുകളുടെ ശാഖകൾ പൂർണമായും അടഞ്ഞുകിടന്നു. പണിമുടക്കിയ ജീവനക്കാർ ചിന്നക്കടയിൽനിന്ന് തുടങ്ങിയ പ്രതിഷേധപ്രകടനം ടൗൺ ചുറ്റി ബാങ്ക് ഒാഫ് ബറോഡക്ക് മുന്നിൽ ധർണ നടത്തി. യു.എഫ്.ബി.യു. കൺവീനർ യു. ഷാജി അധ്യക്ഷത വഹിച്ചു. എ.െഎ.ബി.ഇ.എ സംസ്ഥാന വൈസ്പ്രസിഡൻറ് എം.എം. അൻസാരി, എൻ.സി.ബി.എ ജില്ലാ പ്രസിഡൻറ് ബാബുരാജ്, എ.െഎ.ബി.ഒ.സി സംസ്ഥാന വൈസ്പ്രസിഡൻറ് ശ്രീനിവാസ് നായക്, എ.െഎ.ബി.ഒ.എ സംസ്ഥാന ജോയൻറ് സെക്രട്ടറി എ. ബിജു, ബി.ഇ.എഫ്.െഎ ജില്ലാ ട്രഷറർ അമൽദാസ് എന്നിവർ സംസാരിച്ചു.