സ്​കൂളുകൾ ഇന്ന് തുറക്കും

നാഗർകോവിൽ: വേനലവധിക്കുശേഷം കന്യാകുമാരി ജില്ലയിൽ സർക്കാർ സ്കൂളുകൾ വെള്ളിയാഴ്ച തുറക്കും. സ്വകാര്യ സ്കൂളുകൾ തിങ്കളാഴ്ചയാണ് തുറക്കുക. സ്കൂളുകളിൽ കുട്ടികൾക്ക് സൗജന്യ പാഠപുസ്തകങ്ങളും നോട്ട് ബുക്കുകളും യൂനിഫോമുകളും വിതരണം ചെയ്യും. ഇതിനുള്ള ഒരുക്കങ്ങൾ പൂർത്തിയായതായി ചീഫ് എജുക്കേഷൻ ഓഫിസർ അറിയിച്ചു. ഈ വർഷം മുതൽ ഒന്ന്, മൂന്ന്, അഞ്ച്, ഏഴ്, ഒമ്പത്, പ്ലസ് വൺ ക്ലാസുകളിൽ പുതിയ സിലബസിലാണ് പുസ്തകങ്ങൾ തയാറാക്കിയിട്ടുള്ളത്.