എൻജിനീയറിങ്​: വിദ്യാർഥികൾക്ക്​ ഇഷ്​ടം സി.ഇ.ടിയും ടി.കെ.എമ്മും

കൊല്ലം: സംസ്ഥാനത്ത് എൻജിനീയറിങ്, ആർകിടെക്ചർ മൂന്നാംഘട്ട അലോട്ട്മ​െൻറ് പൂർത്തിയാകുമ്പോൾ തിരുവനന്തപുരം ഗവ. എൻജിനീയറിങ് കോളജ്, കൊല്ലം ടി.കെ.എം എൻജിനീയറിങ് കോളജ് എന്നിവയോടാണ് വിദ്യാർഥികൾക്ക് പ്രിയം. തൃശൂർ ഗവ. എൻജിനീയറിങ് കോളജാണ് മൂന്നാം സ്ഥാനത്ത്. കൂടുതൽ തിരക്കുള്ള ആർകിടെക്ചർ, കമ്പ്യൂട്ടർ സയൻസ്, മെക്കാനിക്കൽ, സിവിൽ വിഭാഗങ്ങളിൽ സി.ഇ.ടി ഒന്നാംസ്ഥാനത്തും ടി.കെ.എം രണ്ടാം സ്ഥാനത്തും തൃശൂർ ഗവ. എൻജിനീയറിങ് കോളജ് മൂന്നാംസ്ഥാനത്തുമാണ്. ഇലക്ട്രിക്കൽ, ഇലക്േട്രാണിക്സ് വിഭാഗങ്ങളിൽ സി.ഇ.ടി ഒന്നും തൃശൂർ കോളജ് രണ്ടും ടി.കെ.എം മൂന്നും സ്ഥാനങ്ങളിലാണ്. സംസ്ഥാന മെറിറ്റിൽ സി.ഇ.ടിയിൽ 630ഉം ടി.കെ.എമ്മിൽ 620ഉം സീറ്റുണ്ട്.