Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightTrivandrumchevron_rightനീണ്ടകരയിൽ...

നീണ്ടകരയിൽ തിരയിൽപെട്ട് വള്ളം മറിഞ്ഞു, നാലുപേരെ ര‍ക്ഷപ്പെടുത്തി

text_fields
bookmark_border
കാവനാട്: നീണ്ടകരയിൽ ശക്തമായ തിരയിൽപ്പെട്ട് ഫൈബർ വള്ളം മറിഞ്ഞ് കടലിൽ അകപ്പെട്ട നാല് മത്സ്യത്തൊഴിലാളികളെ രക്ഷപ്പെടുത്തി. സാരമായി പരിക്കേറ്റ ഇവരെ ജില്ല ആശുപത്രിയിൽ പ്രവേശിപ്പിച്ചു. ശനിയാഴ്ച രാവിലെ ആറോടെ ഹാർബറിൽനിന്ന് രണ്ട് കിലോമീറ്റർ ദൂരത്താണ് വള്ളം മറിഞ്ഞത്. നീണ്ടകര സ്നേഹതീരത്തിൽ അൽഫോൺസ് (60), തമിഴ്നാട് നീരോടി സ്വദേശി വിൻസ​െൻറ് (58), തിരുവനന്തപുരം കൊല്ലംകോട് സ്വദേശി ആൻഡ്രൂസ് (63), മരുത്തടി ഒഴുക്ക് തോട് സൂനാമി കോളനിയിൽ രാജു (58) എന്നിവരെയാണ് രക്ഷപ്പെടുത്തിയത്. അൽഫോൺസി​െൻറ എ.പി.എസ് എന്ന വള്ളമാണ് മറിഞ്ഞത്. വെള്ളിയാഴ്ച ഉച്ചക്ക് വാടിയിൽനിന്ന് മത്സ്യബന്ധനത്തിന് പോയ ഇവർ മടങ്ങി വരവെയാണ് അപകടത്തിൽപ്പെട്ടത്. ആൺഡ്രൂസും രാജുവും മറിഞ്ഞവള്ളത്തിൽ പിടിച്ചു കിടന്നു. വിൻസ​െൻറും അൽഫോൺസും കരയിലേക്ക് നീന്തി. ഒരു കിലോമീറ്ററോളം നീന്തിയ ഇവരെ കരയിലുള്ളവർ കണ്ടതിനെ തുടർന്ന്‌ മറൈൻ എൻഫോഴ്സിനെയും കോസ്റ്റൽ പൊലിസിനെയും വിവരമറിയിക്കുകയായിരുന്നു. തുടർന്ന് നാല് പേരെയും രക്ഷപ്പെടുത്തി കരക്ക് എത്തിച്ചു. രണ്ട് എൻജിൻ, വല, ബാറ്ററി, മറ്റ് ഉപകരണങ്ങളും നഷ്ടപ്പെെട്ടന്നും എട്ട് ലക്ഷത്തോളം രൂപയുടെ നഷ്ടം ഉണ്ടായതായും ഉടമ പറഞ്ഞു. വള്ളത്തിനും കാര്യമായ കേടുപാടുകൾ സംഭവിച്ചു. കുവൈത്തിലേക്ക് സൗജന്യ റിക്രൂട്ട്മ​െൻറ്: പ്രാഥമിക പരിശോധന കരുനാഗപ്പള്ളിയിലും പുനലൂരും കൊല്ലം: നോർക്ക റൂട്ട്സ് വഴി കുവൈത്തിലേക്ക് സൗജന്യമായി ഗാർഹിക തൊഴിലാളികളെ തെരഞ്ഞെടുക്കുന്നു. ശമ്പളം 110 കുവൈത്ത് ദിനാർ. താമസം, ഭക്ഷണം, വിമാന ടിക്കറ്റ് എന്നിവ സൗജന്യം. 30 നും 45 നുമിടയിൽ പ്രായമുള്ള വനിതകൾക്കാണ് അവസരം. താൽപര്യമുള്ളവർ രണ്ടുവർഷത്തിൽ കുറയാതെ കാലാവധിയുള്ള പാസ്പോർട്ട്, ഫുൾസൈസ് ഫോട്ടോ എന്നിവയുമായി പ്രാഥമിക പരിശോധനക്ക് തിങ്കളാഴ്ച കരുനാഗപ്പള്ളി മുനിസിപ്പാലിറ്റി ഹാളിലോ ചൊവ്വാഴ്ച പുനലൂർ മുനിസിപ്പാലിറ്റി ഹാളിലോ നേരിട്ട് ഹാജരാകണം. സമയം രാവിലെ 10. വിവരങ്ങൾക്ക് വെബ്സൈറ്റ് www.norkaroots.net, ഫോൺ: 1800 425 3939, 0471 233 33 39.
Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:LOCAL NEWS
Next Story