കെ.എസ്.ടി.എ മാർച്ചും ധർണയും

കൊല്ലം: പൊതുവിദ്യാഭ്യാസ മേഖലയെ സംരക്ഷിക്കണമെന്ന ആഹ്വാനവുമായി കെ.എസ്.ടി.എ ജില്ല കമ്മിറ്റിയുടെ നേതൃത്വത്തിൽ ജില്ല വിദ്യാഭ്യാസ ഉപഡയറക്‌ടർ (ഡി.ഡി.ഇ) ഓഫിസിലേക്ക് മാർച്ചും ധർണയും നടത്തി. എം. മുകേഷ് എം.എൽ.എ ഉദ്ഘാടനം ചെയ്തു. സംസ്ഥാനത്തെ സർക്കാർ സ്കൂളുകൾ വിദ്യാഭ്യാസരംഗത്ത് വലിയ കുതിച്ചുചാട്ടമാണ് നടത്തുന്നതെന്ന് അദ്ദേഹം പറഞ്ഞു. ജില്ല പ്രസിഡൻറ് ടി.ആർ. മഹേഷ് അധ്യക്ഷത വഹിച്ചു. സംസ്ഥാന പ്രസിഡൻറ് കെ.ജെ. ഹരികുമാർ, സെക്രട്ടറി എസ്. അജയകുമാർ, എക്‌സിക്യൂട്ടിവ് അംഗം കെ. ബാബു, ജില്ല സെക്രട്ടറി ബി. സതീഷ്ചന്ദ്രൻ, സംസ്ഥാന കമ്മിറ്റി അംഗങ്ങളായ എസ്. സുശീലാമ്മ, വി. വിക്രമൻ നായർ, എസ്. മാത്യൂസ്, ആർ. അജിതകുമാരി, ജില്ല ജോയൻറ് സെക്രട്ടറി എം. ശരത്ചന്ദ്രൻ എന്നിവർ സംസാരിച്ചു.