വാഗ്​ദാനങ്ങൾ നടപ്പാക്കുന്നതിൽ മോദി ബിഗ് സീറോ -പ്രശാന്ത്​ ഭൂഷൻ

തിരുവനന്തപുരം: തെരഞ്ഞെടുപ്പ് കാലത്ത് മുന്നോട്ടുവെച്ച മാനിഫെസ്റ്റോയിലെ വാഗ്ദാനങ്ങൾ നടപ്പാക്കുന്നതിൽ നരേന്ദ്ര മോദി സർക്കാർ ബിഗ് സീറോ ആണെന്ന് സാമൂഹിക പ്രവർത്തകനും സുപ്രീംകോടതി അഭിഭാഷകനുമായ പ്രശാന്ത് ഭൂഷൻ. പിണറായി സർക്കാറി​െൻറ രണ്ടുവർഷം സാമൂഹിക ഓഡിറ്റ് കോൺഫറൻസ് ഉദ്ഘാടനം ചെയ്യുകയായിരുന്നു അദ്ദേഹം. സംസ്ഥാന സർക്കാർ ജനങ്ങൾക്ക് നൽകിയ ഉറപ്പുകൾ പാലിച്ചിട്ടുണ്ടോ എന്ന് കേരളം വിലയിരുത്തണം. പുതിയ ആശയങ്ങൾ സംഭാവനചെയ്യേണ്ട യുവത്വം ഇതി​െൻറ ഭാഗമാകണം. മോദി സര്‍ക്കാറിന് കീഴില്‍ എല്ലാ പരിഷ്‌കൃതമൂല്യങ്ങളും അപകടത്തിലായി. ഭരണഘടനയുടെയും മൗലികാവകാശങ്ങളുടെയും സംരക്ഷകരാവേണ്ട കോടതികളുടെ സ്വതന്ത്ര നിലനിൽപ്പിന് ഭീഷണി ഉയരുന്നു. നീതിന്യായ വ്യവസ്ഥയുടെ പ്രവർത്തനം സുതാര്യമായില്ലെങ്കിൽ ജനാധിപത്യത്തി​െൻറ നിലനില്‍പ് അപകടത്തിലാവും. രാഷ്ട്രീയമായി പ്രാധാന്യമുള്ള കേസുകളിൽ കോടതി പ്രത്യേക താൽപര്യം കാട്ടുന്നു. നീതിന്യായ വ്യവസ്ഥയില്‍ സര്‍ക്കാറി​െൻറ കൈകടത്തലുകള്‍ വര്‍ധിക്കുന്നു. പണാധിപത്യമാണ് ഇന്ന് രാഷ്ട്രീയത്തെ നിയന്ത്രിക്കുന്നത്. വെള്ളയമ്പലം ആനിമേഷൻ സ​െൻററിൽ നടന്ന പരിപാടിയിൽ അഡ്വ. ആശ അധ്യക്ഷത വഹിച്ചു. പ്രഫ. മേരി ജോർജ് മുഖ്യപ്രഭാഷണം നടത്തി. അഡ്വ. ജോൺ ജോസഫ്, ബ്രദർ പീറ്റർ തുടങ്ങിയവർ സംസാരിച്ചു.